بە ڕاپۆرتی ئاژانسی هەواڵی مێهر، سەرهەنگ مەهدی دانش پوور ئەوڕۆ (پێنج‌شەممە) وێرای ئاماژە بە بڵاوبوونەوەی گرتەیەکی ڤیدئۆیی لەبارەی پەرەسەندنی ڤایرووسی کرۆنا لە کوردستان و تووشبوون و خەواندنی کەسێک بە هۆی ئەو نەخۆشییە لە نەخۆشخانەی شاری سنە لە تۆڕە کۆمەڵایەتییەکان، وتی: ئەو بابەتە ڕەنگدانەوەیەکی بەربڵاوی لە پارێزگا و وڵاتدا بووە و بۆتە هۆی ئاڵۆزبوونی ڕای گشتی و تەندروستی دەروونیی خەڵکی خستۆتە مەترسییەوە و هاوکات بۆتە هۆی کەڵک‌ئاوەژۆیی کەناڵ و میدیاگەلی دوژمن.
سەرۆکی پۆلیسی فەتای فەرماندەیی ئینتزامی کوردستان ئاماژەی بەوەش دا: پاش ڕەت کرانەوەی بابەتەکە لە لایەن زانکۆی زانستە پزیشکییەکان و بە هاوئاهەنگی باڵی دادگایی ئەو کەسە کە ٤٣ ساڵ تەمەنی هەیە دەستگیر کرا و پاش دان هێنان بە تاوانیدا، هۆی ئەنجامدانی ئەو کارەی، گەمە و یاری لە گەڵ هاوڕێکانی ڕاگەیاندو هەندێ کۆتایی گرتەکەیان بە ئانقەست قرتاندووە کە گەمەجار بوونی بابەتەکە دەسەلمێنێت،
شایانی باسە، دوو رۆژ لەوە پێش هەواڵگەلێک لە فەزای مەجازی و لە تۆڕە کۆمەڵایەتییەکان لەبارەی تووشبوونی بازرگانێکی چینی بە ڤایرووسی کرۆنا و خواندنی لە نەخۆشخانەی بێعسەتی سنە و پاشان گواسترانەوەی بۆ نەخۆشخانەی تەوحید بڵاوبۆوە و کەسێک لەو گرتەیە بە دەنگ پاگەندە دەکات کە تووشبووی کرۆنا بڕیارە بگوازرێتەوە بۆ تاران.
بۆچوونی ئێوە