بۆچوونی زەریف لە سەر بوونی ڕووسیا و ئێران لە خاکی سووریا

وەزیری دەرەوەی ئێران بە ئاماژە بە زەروورەتی دەستەبەر کرانی هەوڵەکانی کۆمیتەی دەستووری سووریا لە لایەن وڵاتانی ڕەوتی ئاستانە، وتی: ڕووسیا و ئێران بە پێی بانگهێشت و داوای دەولەتی دیمەشق لە خاکی سووریان.

بە ڕاپۆرتی ئاژانسی هەواڵی مێهر بە گێرانەوە لە سپۆتنیک، محەمەد جەواد زەریف وەزیری دەرەوەی ئێران لە پرێس کۆنفڕانسێکی هاوبەش لە گەڵ هاوتایانی تورک و ڕووسی لە ژێنێڤ، بە ئاماژە بەوەی کە ئێران تا کاتێک گەل و دەوڵەتی سووریا بیانەوێ لەو وڵاتە دەمێنێتەوە، ڕایگەیاند: ڕووسیا و ئێران بە پێی بانگهێشت و داوای دوڵەتی دیمەشق لە خاکی سووریان.

ڕاشیگەیاند: ئێمە پێداگرین لەوەی کە ناڕێککەوتنەکان گەورەترین گرفتی گەلی سووریا لە ماوەی ٨ ساڵی ڕابردوو بووە و لە سەر ئەو بڕوایەن کە هەلومەرجی سووریا لە رێگەی سەربازییەوە چارەسەری نایەت.

زەریف بە "پڕململانێ" وەسف کردنی کۆمیتەی تۆماری دەستووری نوێی سووریا، وتی: ئەو کۆمیتەیە تەنیا دەنێ تایبەت بە خەڵکی سووریا بێت و ئەوان چاوەدێری بکەن و ئەنجامی کارەکە لە لایەن هەموو خەڵکی سووریاوە قبووڵ بکرێت. نابێ هیچ دەستێوەردان و گوشارێکی دەرەکی بخرێتە سەر کۆمیتەی دەستوور و وڵاتانی دەستەبەرکەری ڕەوتی ئاستانەش دەبێ دەستێوەردانی دەرەکی لەوبارەیە کۆنتڕۆڵ بکەن.

وەزیری دەرەوە لە کۆتاییدا سەبارەت بە پرسی مانەوەی ئەمریکا لە سووریا، وتیشی: ئەمریکا پاراستنی کێڵگە نەوتییەکانی سووریای کردۆتە بیانوویەک بۆ مانەوەی لەو وڵاتەدا. هەڵبەت ترامپ دانی بەوەدا هێناوە کە مانەوەی هێزەکانی ئەمریکی لە سووریا لە چوارچیوەی ئامانجەکانی ئەمریکایە.

News Code 29101

نیشانەکان

بۆچوونی ئێوە

You are replying to: .
  • 7 + 4 =