هۆشداری ۷۶ ژینڕاڵ و دیپلۆماتی ناسراوی ئەمریکا بە ترامپ

تاقمێک لە بەرپرسانی سەربازی و سیاسی پێشووی ئەمریکا لە نامەیەکی کراوەدا بۆ سەرۆک کۆماری ئەو وڵاتە، سەبارەت بە مەترسیگەلی تەشەنەسەندنی ناکۆکییەکان لە گەڵ ئێران هۆشداریان دا.

بە ڕاپۆرتی ئاژانسی هەواڵی مێهر بە گێڕانەوە لە سپۆتنیک، لێدوانەکانی ئەم دواییە دۆناڵد ترامپی سەرۆک کۆماری ئەمریکا سەبارەت بە ڕەوانە کردنی هەزار و ٥٠٠ هێزی سەربازی بۆ رۆژهەڵاتی ناڤین، کاردانەوەی تاقمێک لە سەربازان و دیپلۆماتەگەلی پێشووەی ئەمریکی بە دواوە بووە.

هەر لەو پەیوەندییەدا ٧٦ ژینڕاڵ، دەریاوان و باڵوێزی پێشوو لە نامەیەکی کراوەدا بۆ ترامپ، سەبارەت بە مەترسیی تەشەنەسەندنی ناکۆکی و بەرەنگار بوونەوەی ئێران هۆشداریان دا.

لە بەشێکی ئەو نامەیەدا هاتووە: شەڕ لە گەڵ ئێران چ بە هەڵبژاردن بێ یان بە لێکدانەوەی هەڵە، پاشهاتی دڵتەزێنی لە رۆژهەڵاتی ناڤینی پێشتر ناسەقامگیر بە دواوە دەبێ و هەروەها ئەمریکا لە باری ماڵی، مرۆیی و ژئۆپۆلیتیکەوە دەکەوێتە گێژەنەی پێکدادانێکی قورس و پڕ لە تێچوو.

نووسەرانی ئەو نامەیە هەروەها هوشداریان داوە کە سەرەڕای کارامەبوونی گوشارگەلی ئابووری، هەرەشەگەلی سەربازی هیچکات گۆڕانی هەڵسوکەوتی ئێرانی بە دواوە نابێ.

News Code 26645

نیشانەکان

بۆچوونی ئێوە

You are replying to: .
  • 1 + 3 =