بە ڕاپۆرتی ئاژانسی هەواڵی مێهر، ئێوارەی ئەمڕۆ سێشەمە ۲۵ی بەفرانبار، محەمەد جەواد زەریف، وەزیری دەرەوەی ئێران دوای هاتنی بۆ سلێمانی و کۆبوونەوەی لەگەڵ بەرپرسان و کادیرانی باڵای یەکێتی نیشتمانی بە هاوڕێی قوباد تاڵەبانی چووە سەر گۆڕی مام جەلال.
زەریف تاجە گوڵینەی لەسەر مەزاری مام جەلال تاڵەبانی دانا و لەسەر تێنووسێکی بیرەوەری لەو شوێنە بابەتێکی لە وەسفی کەسایەتی مام جەلال نووسیوە.
زەریف لەو دەستنووسەدا مام جەلالی بە کەسایەتیەکی بەرجەستە لە ناوچەکە و دۆست و هاوڕێ ئازیز بۆ گەلی ئێران و ڕێبەرێکی شایستە بۆ عێراق وەسفکردووە.
هەروەها نووسیوەتی ڕێبازی مام جەلال گفتوگۆ و پێکەوەژیان و دۆستایەتی و یەکدڵی بووە کە یادی وەک سەرۆک کۆماری عێراق هەمیشە دەمێنیتەوە.
Your Comment