پۆستێری سێزدەهەمین فێستیڤاڵی شانۆی سەرشەقامی مەریوان بڵاوکرایەوە

پۆستێری سێزدەهەمین فێستیڤاڵی نێونەتەوەیی شانۆی سەرشەقامی مەریوان بە ئامادەبوونی بەڕێوەبەری گشتیی فەرهەنگ و ئیرشادی ئیسلامی کوردستان و پێشنوێژی هەینی شاری مەریوان و تاقمێکی لە هونەرمەندانی ئەو شارە ڕوونوێنی کرا.

بە ڕاپۆرتی ئاژانسی هەواڵی مێهر بە گێڕانەوە لە پەیوەندییە گشتییەکانی ئیدارەی گشتیی فەرهەنگ و ئیرشادی ئیسلامی کوردستان، بەرپرسی بەڕێوەبەریی سێزدەهەمین فێستیڤاڵی نێونەتەوەیی شانۆی سەرشەقامی مەریوان لەو ڕێوڕەسمەدا وتی: پاش ڕاگەیاندنی بانگەشەنامە ٥٢٧ پلان و ئایدیا ئاراستەی نووسینگەی فێستیڤاڵ کرا کە لە قۆناغێ دواتر ٨٧ پلان لە بەشی ئازاد و ١٥ پلانیش لە بەشی ئایینی بۆ لێکدرانەوە لە قۆناغی پێداچوونەوەدا ناسێندران.

مودریک قادری وتیشی: پاش پێداچوونەوە بە بەرهەمەکان، ٢٠ بەرهەم لە بەشی ئازاد، چوار بەرهەم لە بەشی ئایینی نەریتی و چوار بەرهەم لە بەشی منداڵان و میرمنداڵان بۆ بەشی کۆتایی و ڕکابەریی سێزدەهەمین فێستیڤاڵی نێونەتەوەیی شانۆی سەرشەقامی مەریوان هەڵبژاردران.

ناوبراو بە ئاماژە بە بەشداریی گرووپگەلی بیانی، ڕوونی کردەوە: گفتوگۆکان بۆ بەشداریی ٧ گرووپی بیانی لەم خولەی فێستیڤاڵ ئەنجام دراوە.

قادری بەڕێوەچوونی کەرنەڤاڵی شادی لە ئایینی کردنەوەی ئەو مێهرەجانە، ئاگرکردنەوە و پەرەنگ وەشاندن لە شەوی کردنەوە، بانگهێشتی هەواڵنێرانی میدیاگەلی دەرەکی و ناوخۆیی و دابین کردنی تەواو ئیمکاناتی پێویست لە مەریوان بەشێکن لەو پلانانەی کە بۆ باشتر بەڕێوەچوونی ئەم فێستیڤاڵە لە لایەن بنکەی بەڕێوەبەریی سێزدەهەمین فێستیڤاڵی نێونەتەوەیی شانۆی سەرشەقامی مەریوان لە بەرچاو گیراون.

بەرپرسی بەڕێوەبەریی سێزدەهەمین فێستیڤاڵی نێونەتەوەیی شانۆی سەرشەقامی مەریوان لە بەڕێوەچوونی وۆرکشۆپ و کارگەی هونەری شانۆگەری و فەزاگەلی شاری لە پەراوێزی ئەو فێستیڤاڵە هەواڵی دا و زیادی کرد: دەفرایەتی کارگەکان ٣٠ کەسە کە لە سێ ئاست لە ١ تا ١٤ی خەرمانان بە ئامادەبوونی هونەرمەندان و مامۆستایانی ناسراوەی وڵات بەڕێوە دەچێت و هاوکات پڕۆژەی هاوبەشی ئێران و فەڕەنسامان دەبێت کە بە هەوڵی گرووپی هونەریی نوئار لە شاری مەریوان ئاراستە دەکرێت.

ڕاشیگەیاند: سێزدەهەمین فێستیڤاڵی نێونەتەوەیی شانۆی سەرشەقامی مەریوان بە ئامانجی گەشە و پەرەدان بە شانۆی دەرەوەیی و پەرەدان بە پەیوەندیگەلی سازێنەر لە گەڵ بەردەنگ و کۆی هاووڵاتیان لە لایەن ئیدارەی گشتیی فەرهەنگ و ئیرشادی ئیسلامی کوردستان و ئیدارەی هونەرگەلی شانۆیی بە هاوکاریی ئەنجومەنی هونەرە شانۆییەکانی ئێران و ئەنجومەنی هونەرە شانۆییەکانی پارێزگای کوردستان لە ١٠ تا ١٤ی خەرمانانی ئەمساڵ لە مەریوان بەڕێوە دەچێت.

News Code 21159

نیشانەکان

بۆچوونی ئێوە

You are replying to: .
  • 1 + 4 =