چارەنووسی ترامپ باشتر لە پێشینیانی نابێت/ گومانمان لە شکستدانی دوژمن نییە

ڕێبەری باڵای شۆڕشی ئیسلامی ئێران جەختیان کرد: سەرۆک کۆماری ئێستای ئەمریکایش چارەنووسی باشتر لە پێشینیانی وەن بووش و نێۆکانەکان و ڕیگان نابێت و لە مێژوودا ون دەبێت.

بە ڕاپۆرتی ئاژانسی هەواڵی مێهر،ئەمڕۆ چوارشەمە ۳ی جۆزەردان، لە حەوتەمین ڕۆژی مانگی پیرۆزی ڕەمەزان، سەرۆکانی دەسەڵات، بەرپرسان و بەڕێوەبەرانی نیزام، ژمارەیەک لە بەڕێوەبەرانی باڵای دەزگاکان و چالاکانی سیاسی، کۆمەڵایەتی و فەرهەنگی لەگەڵ ئایەتوڵڵا خامنەیی دیداریان کرد.

ڕێبەریی لەم دیدارەدا وتیان: لە سەرەتای شۆڕشەوە تا ئەمڕۆ، ئەمریکا هەموو جۆرە دوژمنییەکی بۆ گورز وەشاندن لە ئێران کردووە و کاری سیاسی، ئابووری، سەربازی و پڕوپاگەندەی دژی ئێران ڕێکخستووە. هەموو ئەم کارانەش بۆ ڕووخاندن بووە و ئەم وشەیەس کە دووپات دەبێتەوە، شتێکی نوێ نییە.

ڕێبەری ڕایانگەیاند: هەموو ئەم پیلانانە شکستی هێناوە؛ ئێوە کۆماری ئیسلامی بەراورد بکەن کە پاش ۴۰ ساڵ بە تواناییی جۆراوجۆر خەریکە بەرەوپێشەوە دەچێت و هەموو ئەمانە شکستی هێناوە. دووبارەش شکست دێنێت و ئێمە لە شکست دانی دوژمن گومانمان نییە و ئەو کەسەی لە مەعارفی ئیسلامیدا ئاشنایەتی ببێت ئەمە دەزانێت.

جەختیشیان کرد کە سەرۆک کۆماری ئێستای ئەمریکاش چارەنووسی باشتر لە پێشینیانی نابێت و ئەویش لە مێژوودا ون دەبێت.

ئایەتوڵڵا خامنەیی وتیشیان: دوژمنی ئەمریکا پەیوەندی بە پرسی ناڤۆکیەوە نییە. نیزامێک کە سەریهەڵداوە و بەرانبەر بە ئەمریکا هیچ موحافەزەکاریەک ناکات و ئاڵای ئیسلامی بەدەستەوەیە.ئەمریکا دژی ئەمەیە. ئەمریکا دەیەوێت مولەفەکانی دەسەڵات لە کۆماری ئیسلامی لە ناو ببات.

جەختیشیان کرد: نەرمی نواندن لە بەرانبەر ئەم دوژمنە، تێغی ئەو کول ناکات بەڵکوو روودارتی دەکات؛ ئەگەر دەتانەوێت کارێک بکەن کە دوژمنی کەم بێتەوە، ئەنجامی بدەن بەڵام ڕێگا نەرمی نواندن نییە.

زیادیشیان کرد: خۆڕاگری لە بەرانبەر ئەمریکا دەبێتە هۆی پاشەکشێ ئەوان . ئەوەی کە نەتەوەیەکگرتووەکان مافی پیتاندنی ئێمە بە فەرمی ناسیوە، بە هۆی دانوستانەوە نییە بەڵکوو بە بۆنەی پێشکەوتنی ئێمە لە بواری ناڤۆکیە.

News Code 19036

نیشانەکان

بۆچوونی ئێوە

You are replying to: .
  • 9 + 7 =