بە ڕاپۆرتی ئاژانسی هەواڵی مێهر، بەرپرسانی بەشدار لە کۆبوونەوەی زانست و تەکنۆلۆژیای ڕێکخراوی هاوکاریی ئیسلامی لە کۆبوونەوەیەکی نائاساییدا دۆخی موسڵمانانی لێ قەوماو و ئاوارەکانی میانمار لێک درایەوە و لە بەیانییەیەکدا جەخت لە سەر پێویست بوونی کۆتایی هێنان بە توندوتیژییەکان، ناردنی یارمەتی مرۆڤدۆستانە و هەروەها یارمەتی دانی لێ قەوماوان و ئاوارەکانی میانمار کرا.
حەسەن ڕۆحانی سەرۆک کۆماری ئێران دوێنێ شەو و ئەمڕۆ لە دیدار لە گەڵ سەرۆک کۆمارەکانی تورکیا، ڤینۆزۆئێلا، ئازەربایجان، قەزاقستان و ئۆزبەکستان لە سەر پێویست بوونی ئاوڕدانەوەی جیدی جیهانی ئیسلام بە دۆخی لێ قەوماوان و ئاوارەکانی ڕۆهینگیا جەختی کردبوو.
بەرپرسانی بەشدار لە کۆبوونەوەی ئاستانە، هەروەها لە سەر پێویست بوونی ڕێکخستنی بە کۆمەڵ و هاوکاری وڵاتانی ئیسلامی بۆ ناردنی یارمەتی مرۆڤدۆستانە بە لێ قەوماوان و ئاوارەکان جەختیان کرد.
Your Comment