ئاماده‌یی سوپای ئێران بۆ یارمه‌تی موسوڵمانانی میانمار

سوپای پاسدارانی ئێران جه‌نایه‌ته‌کان له‌ دژی موسوڵمانانی میانماری ئیدانه‌ کرد و دوای کرد که‌ ده‌نگی ئه‌م که‌مینه‌ به‌ گوێ جیهان بگات.

به‌ ڕاپۆرتی ئاژانسی مێهر له‌ په‌یوه‌ندییه‌ گشتییه‌کانی سوپای پاسدارانی ئێران، سوپای پاسداران له‌ میانه‌ی ڕاگه‌یه‌ندراوێکدا جه‌نایه‌ته‌کان له‌ دژی موسوڵمانانی میانماری ئیدانه‌ کرد و دوای کرد که‌ ده‌نگی ئه‌م که‌مینه‌ به‌ گوێ جیهان بگات.

له‌ به‌شێکی دیکه‌ی ئه‌م ڕاگه‌یه‌ندراوه‌که‌دا هاتووه‌: جه‌نایه‌ته‌ قیزه‌ونه‌کان له‌ دژی موسوڵمانه‌کانی میانمار له‌ لایه‌ن بوداییه‌کان و سوپای میانمار له‌ حه‌وته‌ی ڕابردوو چووه‌ته‌ قۆناغێکی ترسناک و نیشانی ده‌دات که‌ پلانێکی مه‌رترسیدار له‌ دژی موسوڵمانه‌کان داڕێژراوه‌ و گه‌ر به‌ری پێنه‌گیردرێت کۆمه‌ڵکوژی لێده‌که‌وێته‌وه‌.

له‌ درێژه‌دا هاتووه‌: ئه‌م ڕوداوانه‌ بووه‌ته‌ هۆی ئاواره‌ بوونی زیاتر له‌ ۱۰۰ هه‌زار و کوژرانی ۴۰۰ موسوڵمان و ئه‌مه‌ش ئه‌رکی ده‌وڵه‌تی میانمار له‌م ڕووداوه‌دا زیاتر ده‌کات و پاکتاوی ڕه‌گه‌زی ده‌بێته‌ هۆی ناسه‌قامگیر کردنی ناوچه‌که‌.

هه‌روه‌ها ئاماژه‌ دراوه‌ که‌ بێ ده‌نگ بوونی ناوه‌نده‌ جیهانییه‌کان که‌ دروشـمی به‌رگری له‌ مافی مرۆڤ ده‌که‌ن هیچ پاساوێکی نییه‌ و به‌ ڕوونی نیشانی ده‌دات که‌ جیهان له‌ دووفاقیه‌تی دایه‌ و هیچ به‌ره‌یه‌کی به‌هێزی مافی مرۆڤی بۆ ئه‌م ڕووداوه‌ تاڵانه‌ تاکوو ئێسته‌ سه‌ری هه‌ڵنه‌داوه‌.

له‌ کۆتایی ڕاگه‌یه‌ندراوه‌که‌ داوا له‌ هه‌موو خه‌ڵکی ئێران و موسوڵمانانی جیهان کراوه‌ که‌ دژی جه‌نایه‌ته‌کانی میانمار بوه‌ستنه‌وه‌ و جه‌خت کراوه‌: سوپای پاسدارانی ئێران پشتیوانی کردن له‌ موسوڵمانانی میانمار و گه‌یاندنی ده‌نگی سته‌ملێکراوی خه‌ڵکی میانمار به‌  گوێ جیهان به‌ ئه‌رکی خۆی و کۆمه‌ڵگای نێونه‌ته‌وه‌یی ده‌زانێت، سوپای پاسداران ئاماده‌یه‌ تاکوو له‌ هه‌موو ڕوویێکه‌وه‌ یارمه‌تی ئاواره‌کانی ئه‌م ڕووداوه‌ بدات و داوا له‌ ده‌وڵه‌تی ئێرانیش ده‌کات که‌ هه‌موو هه‌وڵی خۆی بۆ یارمه‌تی برا موسوڵمانه‌کانی میانمار که‌ زۆربه‌شیان ئه‌هلی سوننه‌ن بخاته‌ گەڕ و به‌ر به‌ جه‌نایەتێکی دیکه‌ له‌ دژی موسوڵمانه‌کان بگیردرێت.

News Code 12652

نیشانەکان

بۆچوونی ئێوە

You are replying to: .
  • 1 + 3 =