بە ڕاپۆرتی ئاژانسی هەواڵی مێهر، محەمەدباقر قالیباف، سەرۆکی دەزگای یاسادانەریی ئێران، وێڕای نرخاندنی هەوڵی پاسدارانی شۆڕشی ئیسلامی لە شەڕی 12 ڕۆژە و بشێوییە تیرۆریستییەکانی ئەمدواییەدا، وتی: شەڕی تیرۆریستیی ئەمدواییە بە شێوەی داعشی و بەدەستی بێنیشتمانان، بێدینان و بێڕەزایان ئەنجام درا.
وتیشی: ڕژیمی زایۆنی هەر وەک هەڵمەتی پەیجێرەکان، لە ئێرانیشدا هاوکات بە ڕێکخراوە تیرۆریستان لە شارە جۆراوجۆرەکاندا دەستی دایە هەڵمەتی تیرۆریستی، بەڵام بە هەوڵی هێزی ئەمنی و بەرگری لە ماوەی کەمتر لە 48 کاتژمێر، بەرەوڕووی شکستێکی قورستر لە شەڕی 12 ڕۆژە بوونەوە.
سەرۆکی پەرلەمانی ئێران جەختیشی کرد: سپا قەڵغانی شکستنەهێنی مەیدانی ئەمنی، سەربازی، کۆمەڵایەتی و فەرهەنگیی وڵاتە و ئەگەر زیانێک بە خەڵکی بگات، بۆ برینەکانی خەڵکی مەرهەمە و هاوکات گورزێکی کوشەندەیە لە دژی دوژمنان، وەک لە ڕووداوەکانی ئەمدواییەدا دیتمان.
Your Comment