بە ڕاپۆرتی ئاژانسی هەواڵی مێهر، عەبدوڵڵا ئۆجەلان سیاسەتوانی زیندانیکراوی پەکەکە لە پەیامێک بە بۆنەی هاتنی ساڵی نوێی زایینی لە ئیمرالییەوە، وێڕای پیرۆزبایی، سەرچاوەی زۆربەی قەیرانکانی ڕۆژهەڵاتی ناوینی گەڕاندەوە بۆ نەتەوەپەرەستی، شەڕ و تێهەڵچوونی مێژوویی و پێکهاتە دەسەڵاتخوازەکان و جەختی لە زەروورەتی هەنگاونان بەرەو ئاشتی کۆمەڵایەتی، دیموکراتیزاسیۆن، ئازادی ژنان و هاوژینیی ئاشتیخوازانەی گەلانی جۆراوجۆری ناوچەکە کرد.
ئۆجەلان لەو پەیامەدا بە ئاماژە بە گۆڕانکارییەکانی سەدەی ڕابردوو، نەتەوەپەرەستیی پەیوەستکراوی سیاسەتی دەستێوەردەرانەی زلهێزانی بە هۆکاری سەرەکیی هەڵگیرسانی شەڕ، وێرانی و دابڕانی کۆمەڵایەتی لە ڕۆژهەلاتی ناوین زانی و ڕاشیگەیاند: زۆربەی شەڕ و ململانیی ئیتنیکی و فیرقەیی ئێستامان سەرچاوە لە هەمان ڕەوتە مێژووییانە دەگرن و بەداخەوە سیاسەتگەلی پشتئەستوور بە تەشەنەی ناکۆکی و دابڕان هێشتاش لە بیچمی جۆراوجۆردا ئامادەن.
سەرکردەی زیندانیکراوی پەکەکە، لە کۆتاییدا هیوای خواست کە ساڵی نوێی زایینی، نەک ساڵی شەڕ، وێرانی و دابڕان، بەڵکوو ساڵێ ڕێککەوتنی دیموکراتیک، ئاشتتی و ئیرادەی هاوبەش بۆ چێکردنی داهاتووی هاوبەش بێت و هاوکات ئەمساڵە نوێیە بۆ تورکیا، ڕۆژهەڵاتی ناوین و جیهان، دەرفەتێک بێت بۆ کرانەوەی بواری ئاشتی، ئازادی و داهاتووی دیموکراتیک.
Your Comment