بە ڕاپۆرتی ئاژانسی هەواڵی مێهر، عەلی لاریجانی لە گفتوگۆیەکی تەلەڤیزیۆنی ئێراندا ڕایگەیاند: ئێران لە نێوان وڵاتانی زلهێزدا پێگەیەکی باڵای هەیە و زۆربەی وڵاتانی ڕۆژاوایی دەیانەوێت لەگەڵ ئێران پێوەندیان هەبێت بەڵام لەبەر گوشاری ئەمریکا هەڵوێستی یەکلاییان نییە.
ناوبراو درێژەی دا: ئەگەری ئەمریکا یان ئیسرائیل بە بیانووی پرسی ئەتۆمی هێرش بکەنە سەر ئێران، ئێران ناچار دەبێت بەرەو وەبەرهێنانی بۆمبی ئەتۆم بڕوات. خەڵک گوشار دەخەنە سەرمان بەرەو چەکی ئەتۆمی بڕۆین.
ئەندامی مەکۆی ناسینەوەی بەرژەوەندییەکانی دەسەڵات وتی: کاری سەربازی لەگەڵ ئێران بێ لێکەوتە نابێت. ناوەرۆکی نامەکەی ترامپ تا ڕادەیەک هەمان قسانەیە کە بەردەوام دەیڵێتەوە.
لاریجانی زیادی کرد: تەکنۆلۆژیای ئەتۆمی ئێران بە شێوەیەک پلانڕێژی کراوە کە ئەگەر بوردمان بکرێت تەنانەت یەک چرکەش دواناخرێت. دوژمن بۆ خۆشی تێگەییشتووە کە ئەگەر ئێران هێرشی بکرێتە سەر بەرەو چەکی ئەتۆمی دەڕوات.
ڕاوێژکاری ڕێبەر وتیشی: گرووپەکانی بەرخۆدان هەمیشە بەدوای تۆکمە کردنەوەی خۆیانن، چونکوو متمانەیان بە ئاگربڕەکانی ئیسرائیل نییە.
ناوبراو درێژەی دا: ئەگەر ئەمریکا بڕوای لەسەر ئەوەیە کە ئێران لە ناوچەکە هێزی بەوەکالەتی هەیە، ئەی بۆچی دەڵێت کە ئێران لاواز بووەتەوە؟ ئەوە قسەی دژ بە یەکە.
Your Comment