بە ڕاپۆرتی ئاژانسی هەواڵی مێهر، گرووپە تیرۆریستییەکانی سەر بە تورکیا ڕەوتی کاول کردنی ژینگەی ناوچە کوردنشیەکانی عەفرین درێژە دەدەن. لە ساڵی 2018 ەوە تا ئێستا هەزاران دار لە ئەو ناوچە بڕاوەتەوە و ناوچەکەیان کردووەتە بیابان. ئەمە لە حاڵێکدایە کە ناوەندە نێودەوڵەتیەکان هەر بێدەنگی ڕادەگرن.
خەڵکی ئەو ناوچە ڕاپۆرتیان داوە کە تیرۆریستەکانی سەر بە تورکیا ناسراو بە سوپای ئازادی سووریا و سەمەرقەند بە ڕێبەری سائیر مەعووف ڕۆژانە بە هەڕەی کارەباییەوە دەکەونە گیانی دارەکانی ئەو ناوچە و دەیانبڕنەوە و لەت لەتیان دەکەن و دەیانگوازنەوە بۆ ناوچەکانی دیکە.
هەروەها ڕاپۆرت کراوە کە جگە لە بڕینەوەی دارەکان، بەرهەمە کشتوکاڵییەکانی ئەو ناوچەیەش دەدزن.
گرووپە تیرۆریستییەکانی سەر بە تورکیا درێژە دەدەنە بڕینەوەی بەربڵاوی دارەکان لە عەفرین و زەوینە سەوزەکانیان کردووەتە بیابان، لە حاڵێکدا کە بێدەنگی جیهانی هەر درێژەی هەیە.
News ID 54106
Your Comment