بە ڕاپۆرتی ئاژانسی هەواڵی مێهر، سەرچاوە سوورییەکان ڕایانگەیاند کە تەرمی 9 قوربانیی ئەم دواییەی داعش لەم وڵاتە دۆزرایەوە.
ئەم سەرچاوانە ئاماژەیان بەوەشکردووە، دانیشتوانی ناوچە کشتوکاڵییەکانی دێرەزوور و حومس لە ماوەی 24 کاتژمێری ڕابردوودا 9 تەرمی قوربانیانی ڕێکخراوی تیرۆریستی داعشیان دۆزیوەتەوە کە بەشێکیان هی سەربازانی سوپای سووریان.
ئەوان ڕایانگەیاند کە قوربانیانی داعش بە شێوەیەکی دڕندانە لەلایەن توخمەکانی ئەم ڕێکخراوە تیرۆریستییەوە ئەشکەنجە دراون.
توخمەکانی داعش دوای ڕووخانی ڕژێمی بەشار ئەسەد لە دێرەزوور و ناوچەکانی دیکەی ئەو وڵاتە دەیان هێزی سەربازیی سووریایان ڕفاند و تا ئێستاش چارەنووسی ژمارەیەکی زۆریان نادیارە.
ئه م سەرچاوانه ئاماژه بەوە دەکەن کە ، دوای ڕووخانی ڕژێمی بەشار ئەسەد و ناسەقامگیری سەربازی و سیاسی له سووریا، چالاکییه کانی داعش له سووریا چڕتر بووەتەوە.
Your Comment