ئەمریکا: بەردەوام دەبین لە پاڵپشتیی کوردی سووریا

بە ڕاپۆرتی ئاژانسی هەواڵی مێهر، سێناتۆر جەیمز لانکفۆرد لە گفتوگۆ لەگەڵ بەرنامەی واشنتۆن واچ لە ئەمریکا، لە سەر پێدویستی درێژەی پاڵپشتی وڵاتەکەی لە کوردی سووریا دوای رووخانی بەشار ئەسەد و دەسەڵاتدارێتی تەحریرولشام جەختی کرد.

ئەو سێناتۆرە ئەمریکییە بە ئاماژە بە هێرشەکانی تورکیا بۆ سەر کوردی سووریا وتی: لە حاڵێکدا کە کوردی سووریا راسپاردەی بەرەنگار بوونەوەی داعشی هەیە بەڵام تورکیا کوردەکان تیرۆریست ناو دەبات و هێرش دەکاتە سەریان.

ناوبراو لە وەسفی لێکەوتەکانی کشانەوەی ئەمریکا لە ناوچە کوردنشینەکانی سووریا جەختی کرد کە لە ئەگەری کشانەوەی هێزەکانی ئەمریکا لە ئەو ناوچە، داعش بەهیز دەبێتەوە و تورکیاش ئۆپراسیۆنی سەربازی نوێ بۆ کوشتنی کوردان ئەنجام دەدات.

لانکفۆرد بە ئاماژە بە ئەوەی کە کوردی سووریا هاوپەیمانی ئەمریکا بووە و هێرشەکانی تورکیا مەترسیە لەسەر ئەوان، جەختی کرد کە واشنتۆن ئەبێ پەیامێکی قایم بۆ ئەوانەی کە هەڕەشەن لە ئەو ناوچە بنیرێت و وەبیریان بهێنێتەوە کە پاڵپشتی ئێمە لە کوردی سووریا درێژەی هەیە.