بە ڕاپۆرتی ئاژانسی هەواڵی مێهر، مێگان بۆدێت سەرۆکی ڕێکخراوی تەوێژینەوەی ئاشتی کوردی لە واشنتۆن لە یادداشتێکەدا بە ئاوڕدانەوە لە پێشڕەویی ملیشیاکانی ناسراو بە سوپای ئازادی سووریا بە پاڵپشتیی تورکیا و لێ‌کەوتنەوەی قەیرانێکی مرۆیی لە باکووری ڕۆژئاوا و ڕۆژهەڵاتی سووریا و ناوچەی ژێر کۆنتڕۆڵی ئیدارەی خۆسەری کوردی و هێزە دیموکراتیکەکانی سووریا، ئەم پرسیارەی ورووژاندووە کە ئەم هێرشە چ کاریگەرییەکی لە سەر پڕۆسەی ئاشتی دەوڵەتی تورکیا و پەکەکە و هاوکات چارەسەریی سیاسی قەیرانی سووریا دەبێت؟
ئەمە لە کاتێکدایە کە بە گوێرەی نوسەری یادداشتەکە زۆربەی ئەم گرووپە شۆڕشیانە پێشتر بە هۆی کەڵکئاژۆیی لە کوردەکان، ئێزدییەکان و ژنان لە لایەن ویلایەتە یەکگرتووەکانەوە خراونەتە لیستی گرووپگەلی تیرۆریستی، هەر بۆیە ئەم هێرشە لەم ساتەوەختەدا زەروورەتی پێداگری بۆ چارەسەریی سیاسی قەیرانی سووریا و پرسی کوردەکانی تورکیا بۆ ئاسایش و سەقامگیری ڕۆژهەڵاتی ناوین و لەوان تێکشکاندنی پاوەجێی داعش تۆکمەتر دەکات.
یادداشتەکە بە ئاوڕدانەوە لەوەی کە ملیشیا پاڵپشتکراوەکانی تورکیا، مەترسین بۆ سەر کوردە ئاوارەکان و کەمینە ئاینییەکان، دەڵێت: ملیشیاکانی سوپای ئازادی سووریا کە تورکیا پاڵپشتیان لێ دەکات، لە شەڕ و پێکدادانی نێوان تیرۆریستانی تەحریرولشام و هیزەکانی سووریا بۆ کۆنتڕۆڵی ناوچەکانی هاوێری شەهبا و تەل‌ڕەفعەت کە پێشتر لە بندەستی سەدەفە و ئیدارەی خۆسەری کوردیدا بووە، بەهرە وەردەگرن.
ئەم ناوچانە بە گوێرەی نووسەری یادداشتەکە دەیان هەزار ئاوارەی کوردی لەخۆ گرتووە و ئەم ئاوارانە لە ساڵی ٢٠١٨ و پاش هێرشی تورکیا و ملیشیاکانی سوپای ئازاد بۆ سەر عەفرین و داگیرکردنی، ناچار لە چۆڵ‌کردن و کشانەوە لە ماڵ و زێدی خۆیان بوونە و لە شەهبا و تەل‌ڕەفعەتدا جێگر بوونە و لە پەنایدا هێزەکانی تورکیا و ملیشیا پاڵپشتکراوەکانی لە عەفریندا تووشی تاوانی جەنگی لە دژی کوردەکان، ئێزدییەکان و کنان و لەوان هێرش بۆ سەر خەڵکی مەدەنی و تاڵانی ماڵ و دارایی و ئەشکەنجە و کۆمەڵکوژیی نایاسایی و شوێن‌بزرکردنی خەڵکی و دەستدرێژی سێکسی و گۆڕینی دیموگرافیای ئەو ناوچەیە هاتوون.
مێگان بۆدێت باس لەوە دەکات کە چۆن هێزەکانی دیموکراتیکی سووریا بۆ جارێکی تر و دوای هێرشی تیرۆریستان و ملیشیاکان ناچار لە چۆڵ‌کردنەوەی دوونارەی شەهبا و تەل‌ڕەفعەت هاتووە و ناچار هەمدیسان ئاوارەکان بگوازێتەوە بۆ شوێنی ژێر کۆنتڕۆڵی ئیدارەی خۆسەری کوردی لە باکووری ڕۆژهەڵاتی سووریا، کەچی بە گوێرەی میدیا خۆجێیەکان و چاودێرانی مافی مرۆڤ هەمان ملیشیاگەلی سوپای ئازاد ئاستەنگیان خستۆتە بەردەم ئەم کۆڕەوە و دەستیان داوەتە ڕفاندنی ئاوارەکان.
بۆدێت لە درێژەدا بە هەڵسەنگاندنی دۆخەکە لای وایە کە هێشتا دیار نییە کە ئەم گۆرانکارییانە چ کاریگەرییەکی لە سەر هەڵوێستی تورکیا هەمبەر بە سووریا و پرسی کورد و لەوان گەرانەوە بۆ سەر پڕۆسەی ئاشتی لەگەڵ پەکەکەدا دەبێت.
ناوبراو بە ئاوڕدانەوە لە ئامادەبوونی هیزەکانی دیموکراتیکی سووریا لە ڕۆژئاوای فورات وەک پرسێکی جێی مشت‌ومڕە بۆ ئەنقەرە، دەڵێ: کشانەوەی کوردەکان لە شەهبا و شێخ مەقسوود دەتوانێ هەندێ لە بەرژەوەندییەکانی تورکیا دابین و دانوستانی زۆربەی تورک و کوردەکان ئاسانتر بکات. بەپێچەوانە، هەندێک چاودێری سیاسی لایان وایە کە تورکیا بەم ئاستە ڕازی نەبێت و هوشدار دەدەن کە تورکیا دەتوانێ کەڵک لە پێشڕەوییەکانی تەحریرولشام و سوپای ئازاد بۆ کردنە ئامانجی هیزەکانی دیموکراتیکی سووریا(سەدەفە) لە مەنبەج وەرگرێت.
سەرۆکی ڕێکخراوی تەوێژینەوەی ئاشتی کوردی لە واشنتۆن باس لەوەش دەکات: بەوەشەوە هیزەکانی سەدەفە و کۆمەڵگای کورد بەوە دڵخۆشن کە مۆڵەتی پاشەکشێی ئاشتی‌خوازانە بۆ پێگەی خۆسەری کوردی لە ڕۆژهەڵات، دەتوانێ هیوای کەمکردنەوەی گوشاری شەڕی و پێکدادانی بە دواوە بێت. چونکە یەکێک لە مەرجە گرنگەکانی بەرپرسانی سەدەفە و ئیدارەی خۆسەری کوردی هەوڵ بۆ گەیشتن بە ئاشتی و کۆتایی‌هێنان بە سەرپێچکاری لە دژی خەڵکی مەدەنی کورد لە ناوچە داگیرکراوەکان و پاشان گەڕانەوەی هێمنی ئاوارەکان بۆ سەر ماڵ و زێدی خۆیانە.
نووسەر لە کۆتاییدا ڕەوتی سەرکەوتووانەی ئاشتی کە دەتوانێ ببێتە هۆی باشتربوونی پێوەندییەکانی نێوان تورکیا و کوردەکان، بە ئاستەنگێک لە بەردەم پێگەی ڕووسیا لە ناوچەدا هەڵدەسەنگێنێت و دەشڵێ: بە ئاشکرابوونی تەواو خالە لاوازەکانی ئەکتەرانی ناوچە، ڕەنگە کۆمەڵگای نێودەوڵەتی بیەوێ پاڵپشتی لە چارەسەریی کێشەکانی نێوان تورکیا و پەکەکە بکات و هاوکات جێگربوونی ئاشتی تورکیا دەتوانێ ئامادەبوونی ئیدارەی خۆسەری کوردی و تاقە سەرچاوە لە سووریا کە ڕێز لە مافی کەمینەکان، ژنان و ئازادی ئایینی دەگرێت، بۆ گەیشتن بە ڕێگەچارەی سیاسی لە قەیرانی سووریادا گەرەنتی بکات و داکۆکی لە هەوڵی هاوپەیمانی دژی داعش بە سەرکردایەتی ئەمریکا بۆ تێکشکاندنی پاوەجێی داعش بکات.
Your Comment