دەستبەسەر کرانی نزیک بە 2000 بازرگانی مادەی هۆشبەر لە هەرێمی کوردستان

بە پێی ڕاپۆرتی ئاژانسی هەواڵی مێهر، بەگوێره‌ى ئامارێکی بەڕێوه‌بەرایەتی نەهێشتنی ماددەی هۆشبەر، 8 هەزارو 894 کەس بەتۆمەتی ماددەی هۆشبەر دەستگیرکراون، لەو ژمارەیەش 1849یان بازرگان بوون‌و کڕین‌و فرۆشتنیان بەمادەی هۆشبەرەوە کردوە.

وەک لەئاماری بەڕێوەبەرایەتی نەهێشتنی مادەی هۆشبەردا ڕونکراوەتەوە، چوار هەزارو 460 تۆمەتبار دادگاییکراون‌و سزادراون‌و دواتر ڕەوانه‌ی چاکسازییەکان کراون، هەروەها بڕی 1،759 کیلۆگرام ماددەی هۆشبەر دەستی بەسەرداگیراوە، لەگەڵ 2،272 کیلۆگرام حەبی هۆشبەری فەل‌و 66،326 شیت حەبی هۆشبەر.