بە پێی راپۆرتی ئاژانسی هەواڵی مێهر، وەزیری دەرەوەی ئێران لە وتووێژ لە گەڵ سی ئێن ئێن گەشبینی خۆی سەبارەت بە ئەنجامی دانوستانەکانی ڤیەنا دەربڕی.
حسێن ئەمیرعەبدوڵاهیان لەم وتووێژەدا وتی: تا ئێستا ئەوەندە بە ڕێککەوتن لە دانوستانەکانی ڤیەنا نزیک نەبووینەوە و گەر هەندێ کێشە چارەسەر بکرێت لە ڕۆژانی داهاتوودا ڕێککەوتن پێک دێت.
ئەو وێڕای ئاماژە بەوەی کە دەوڵەتی نوێی ئێران بۆ گەیشتن بە ڕێککەوتنێکی باش جیدییە، داکۆکی کرد: بەرپرسیاریەتی هەر جۆرە شکستێک لە دانوستانەکانی ڤیەنا لە ئەستۆی ئەمریکا و لایەنی بەرانبەرە
شیاوی ئاماژەیە وەزیری دەرەوەی ئێران ڕۆژی پێشووش لە کۆبوونەوەی مۆنیخدا رایگەیاندبوو: ئێران ئامادەیی گەیشتن بە ڕێککەوتنێکی باشی هەیە بەو مەرجەی لایەنی بەرانبەر ئامادەی بڕیاردان بێت.
Your Comment