بە پێی راپۆرتی ئاژانسی هەواڵی مێهر، حوجەتولئیسلام سەید ئیبراهیم رەییسی ئەمڕۆ لە دانیشتنی باڵوێزەکانی ئێران لە وڵاتە دراوسێیەکان وتی: ئەمڕۆ ئێمە پێویستمان بەوەیە هەنگاوی دووهەمی گۆڕان لە وڵات هەڵبگرین و ئەمڕۆ دەبینین گۆڕانی ئەرێنی زۆر لە بواری ئابووری، سیاسەتی دەرەوە و ... پێک هاتووە.
ئەو وتیشی: ئێمە بە مەبەستی پێشکەوتنی وڵات دەبێ دۆخەکە لێک بدەینەوە و مەودای نێوان دۆخی ئێستا و ئەوەی مەبەستمانە، کەمی بکەینەوە. ئێمە پێویستمان بە گۆڕانی ڕەوتەکان هەیە.
ناوبراو داکۆکی کرد: هەر وڵاتێک کە پێشکەوتنێکی بەخۆوە بینیوە بێگومان کاریگەری سیاسەتی دەرەوەی لە سەر بووە، ناکرێت کێشەیەک لە وڵاتدا بێت و وەزارەتی دەرەوە بڵێیت تەنیا پێوەندی بە ناوخۆی وڵاتەوە هەیە.
سەرۆک کۆمار وێڕای ئاماژە بە گەمارۆکانی سەر ئێرانیش وتی: ستراتیژی ئێمە ئەوەیە کە گەمارۆکان هەڵوەشێنینەوە و کردەوەی جیدیشمان بۆ ئەم مەبەستە دەبێت. هەندێ کەس وتوویانە ئێران دانوستان ناکات، جیدی نییە و بەرنامەیەکی نییە بەڵام گەر لایەنی بەرانبەر بۆ هەڵوەشانەوەی گەمارۆکان جیدی بێت، ڕێککەوتنی باش بەدی دێت.
ئەو وتیشی: نابێ بەم دۆخە ڕازی بین، پێوەندی ئێستا لە گەڵ دراوسێیەکان قانعمان ناکات و دەبێ بۆ پێوەندی زیاتر هەوڵ بدەین.
Your Comment