تورکیا دەیەوێ پرۆژەی "سڕینەوەی کورد"ی عەفرین لە سەرێکانی و گرێ سپیش بەڕێوە ببات

وتەبێژی یەپەگە وێڕای ئاماژە بە پرۆژەی "سڕینەوەی کورد" تورکیا لە عەفرین، گرێ سپی و سەرێکانی، داکۆکی کردە سەر یەکگرتوویی دەسەڵاتە پێوەندیدارەکان بۆ چارەسەر کردنی کێشەی سووریا.

بە پێی هەواڵی مێهر، نووری مەحموود وتەبێژی یەپەگە وێڕای داکۆکی لە سەر پێویستیی دانوستانی دەسەڵاتە پێوەندیدارەکان لە کێشەی سووریا، وتی: تورکیا بەدوای بەڕێوە بردنی بەرنامەی "سڕینەوەی کورد" لە گرێ سپی و سەرێکانییە.

ناوبراو وتیشی: تورکیا بە هۆی شکستی سیاسی، ئابووری، کۆمەڵایەتی و سەربازی، دەیەوێ شەڕێکی دیکە وەرێ بخات بەڵام خەڵکی ئەو وڵاتە بەدوای دیموکراسی و ئازادین.

مەحموود هەروەها ئاماژەی بۆ کێشە ناوخۆیی و دەرەکییەکانی تورکیا کرد و ڕایگەیاند: هەر وەک بینیمان لە پرۆسەی دەنگدان بە شەڕ لە سووریا حیزبی کۆماریخوازی گەل بەشداری نەکرد و ئەمەش نیشاندەری ئەوەیە هەندێ گرووپەکان لە تورکیا لە گەڵ شەڕ هاودەنگ نین بەڵام حکوومەت دەیەوێ تا کۆتایی شەڕ بکات.

ئەو ڕایگەیاند: ئێمە داوامان لە ئەرتەشی سووریا کرد بەرگری لە عەفرین بکات بەڵام ئەرتەش کاردانەوەییەکی نەبوو.

News Code 39919

نیشانەکان

بۆچوونی ئێوە

You are replying to: .
  • 7 + 1 =