دەسەڵاتی هەرێمی کوردستان ستەمکارە/ یەکێتیش بەشدارە لە دۆسیەی بادینان

ئەندامێكی ئەنجومەنی نوێنەرانی عێراق ڕایگەیاند: هەر پەدەکە بەشدار و تاوانبار نییە لە دۆسێیەی دەستگیرکراوانی بادینان، بەڵکو حزبە بەشداربووەکانی تری ناو ئەم دەسەڵاتە ستەمکارە، بەشدارن لە بەردەوامیی ئەم دۆسییە دژە مرۆڤانەیە.

بە پێی ڕاپۆرتی ئاژانسی هەواڵی مێهر، یوسف محەمەد، ئەندامی ئەنجومەنی نوێنەرانی عێراق لە تویتەری خۆی نوسیویەتی: هەر پەدەکە بەشدار و تاوانبار نییە لە دۆسێیی دەمکوتکردنی دەنگە ئازا و ئازادەکانی بادینان، بەڵکو حزبە بەشداربوەکانی تری ناو ئەم دەسەڵاتە ستەمکارە و هەمو ئەوانەی بەناوی چاکسازییەوە پۆستی بێدەسەڵاتیان لەناو حوکمڕانیی هەرێم هەیە بەشدارن لە بەردەوامیی ئەم دۆسییە دژە مرۆڤانەیە.

زیاتر لە ساڵێكە، 70 ڕۆژنامەنوس و چالاكوانی بادینان دەستگیركراون، پێنج لەو دەستگیركراونە بە شەش ساڵ زیندانیكردن سزا دراون و هێشتا چارەنوسی دۆسیەی ئەوانی تر نادیارە.

بەوتەی ڕێكخراوە نێودەوڵەتییەكان و بەشێك لە ئەندامانی پەرلەمانی كوردستان، كە بەشداری دانیشتنەكانی دادگایان كردووە، لەكاتی دادگایكردنی بەشێك لە دەستگیركراواندا هیچ بەڵگەیەك نەخراوەتەڕوو تا دەستگیركراوانی پێسزابدرێت و بڕیارەكانی.

News Code 39060

نیشانەکان

بۆچوونی ئێوە

You are replying to: .
  • 1 + 6 =