زستانی ئازارەکان هاوکات لە گەڵ زستانی سروشت بەرەو کۆتایی دەڕوات

سەرۆک کۆماری ئێران لە پەیامی نەورۆزی خۆیدا وێڕای ئاماژە بە زستانی دژوار و ئازارەکانی، وتی: ڕێگای پێشکەوتن، کرانەوە و چاک کردنەوەی کار و بار تەنیا لە ڕێگای هەڵبژاردنەوە تێدەپەڕێ.

بە پێی هەواڵی مێهر، حوجەتولئیسلام حەسەن ڕۆحانی لە پەیامی نەورۆزی خۆیدا بە بۆنەی دەستپێکی ساڵی 1400، وێڕای ئاماژە بەوەی کە زستانی ئازارەکان هاوکات لە گەڵ زستانی سروشت بەرەو کۆتایی دەڕوات، وتی: شنەی بای نەورۆز ئەمساڵ پەیامی دەستپێکی وەرزی بووژانەوە، سەرکەوتن و پێشکەوتن بۆ خەڵکی ئێران دێنێت. لە سەر ئیزنی خودا و بە هۆی خۆڕاگری خەڵکی ئێرانەوە ئەمساڵ هەموو شتێ بۆ پێشکەوتن، بووژانەوە و گەشە بۆ ئێرانییەکان دابین کراوە.

خۆڕاگری و سەبووری خەڵکی ئێران وەرزێکی نوێ لە مێژووی وڵاتی پێک هێنا

سەرۆک کۆمار لەم پەیامەدا وێڕای پیرۆزبایی ساڵی نوێ لە هەموو خەڵکی ئێران، نووسیویە: میلەتی ئێران وەکوو هەموو میلەتانیتر ئەمساڵ لە گەڵ ڤایرۆسی کۆرۆنا ڕووبەڕوو بوونەوە و لە حاڵێکدا ئامادەی بەرەنگاری لە گەڵ ئەم ڤایرۆسە بوون کە لە یارمەتییە جیهانییەکان بێ بەش بوو و تەنانەت سامانەکانی خۆشی لە بانکە بیانییەکان بلۆکە کرابوو. بەڵام سەبووری و خۆڕاگری میلەتی ئێران بۆ تێپەڕاندنی ئەم قۆناغە دژوارە بۆتە وەرزێکی درەوشاوە و پڕ لە شانازی لە مێژووی ئەم وڵاتە.

لە تەنگانەی ئەم ڕۆژانەدا، یارمەتی دانی هەژاران دیسانەوە یەک بوون و هاودڵی خەڵکی ئێرانی وێنا کرد. ئەمساڵ بنەماڵەی گەورەی تەندروستی لە ئێران گیانیان بۆ خەڵکی وڵاتەکەمان فیدا کرد و تەنانەت هەندێکیان شەهید بوون و بۆ هەمیشە بوون بە هێمای سەربەرزی و فیداکاری میلەتی ئێران.

شنەبای نەورۆز مژدەی بووژانەوەی پێیە

شوکرانەی خودا بە جێ دێنین بۆ ئەوەی ئەم زستانە دژوارە خەریکە تیدەپەڕێت و شنەی بای نەورۆز دیسانەوە مژدەی بووژانەوە، سەرکەوتن و پێشکەوتنی خەڵکی ئێران لە ساڵی نوی ئەدات.

لە ماەوەی هەشت ساڵی رابردوودا بەشەکانی کشتوکاڵ و پیشەیی و خزمەتگوزاری پێشکەوتنی زۆری بە خۆیەوە بینیوە و ئێستاش ئامادەیە تاکوو سەردەمێکی نوێ بە توانا و هێزی زۆرترەوە دەست پێ بکات.

بەشداری خەڵک لە هەڵبژاردن مەرجی بە ئامانج گەیشتنی خەڵکی ئێران لە دەیەی یەکەمی سەدەی پازدەهەمە. ساڵی داهاتوو ساڵی ڤاکسیناسیۆنی کۆرۆنا بۆ هەموو خەڵکی ئێران و هەروەها کۆتایی گەمارۆکان دەبێت. ئێمە جارێک گەمارۆکانمان شکست داوە و دیسانەوە شکستی ئەدەین.

 

News Code 36481

نیشانەکان

بۆچوونی ئێوە

You are replying to: .
  • captcha