فیرقەگەرایی هەڕەشەیەکە بۆ سەر جیهانی ئیسلام

مامۆستا سەید سەعید حسێنی سەرلەبەیانی ئەمڕۆ لە کۆنفڕانسی ئەهلی بەیت لە ڕوانگەی لایەنگرانی ئیمام شافعییەوە لە سەقز وتی: هەبوونی حەزرەتی ڕەسووڵ بۆ هەموو جیهان ڕەحمەتە.

بە ڕاپۆرتی ئاژانسی هەواڵی مێهر، مامۆستا حسێنی وتی: خودای گەورە و میهرەبان حەزرەتی موحەمەد(د.خ) ی وەکوو رەحمەتێک بۆ بەختەوەری مرۆڤ نارد و کەسانێک کە لایەنگری ئەو حەزرەتەن سەربازی گرانمایەی ئیسلامن و تا ڕۆژی قیامەت قەرزدای یەک بە یەکی موسڵمانان.

ناوبراو وتیشی: حەزرەتی ئیمام شافعی و لایەنگرانی هەر هەموویان ڕێزیان لە بۆ پێغمبەر و ئەهلی بەیتی هەیە.

ئەو زانایەی ئەهلی سوننە بە وتنی ئەوەی کە ئیسلام و موسڵمانان لەلایەن کافرەکانەوە گەمارۆ دراون، وتی: دوژمنانی دین بە هەموو ئیمکاناتیانەوە بۆ خەسار لێدان لە یەکێتی موسڵمانان هاتوونەتە مەیدان و پیلانگەلی جیاواز لە دژی موسڵمانانیان داڕشتووە و بەڕێوەی دەبەن.

مامۆستا حسێنی جەختی کرد: لە ئاوەها دۆخێکدا یەکگرتوویی موسڵمانان گەورەترین لەمپەر لە سەر رێگای پیلانی دوژمنانی دینە.

ئەو ڕۆحانییە کوردە وتیشی: ئەمڕۆ فیرقەگەرایی وەکوو خەسارێکی جیدی هەڕەشەیە بۆ سەر جیهانی ئیسلام.

مامۆستا حسێنی باسی کرد: لە دۆخێکداین کە لە چوار لامانەوە دوژمنان ئایینی ئیسلامیان گەمارۆ داوە و ئەوە هۆشدارییەکە بۆ هەموو موسڵمانان کە لە جیاتی هەڕەشە، ڕووخان، فیرقەگەرایی، دوو دەستەیی، بێ باوەڕی و ... یەکگرتوویی بگرنە بەر.

News Code 34071

نیشانەکان

بۆچوونی ئێوە

You are replying to: .
  • 6 + 2 =