مەسعوود بارزانی پەیامێکی بۆ مەستەفا کازمی نارد

سەرۆکی پارتی دیموکرات جەخت لە رێککەوتنی هەولێر و بەغدا دەکاتەوە و بۆ ئەو مەبەستەش پەیامێک ئاراستەی سەرۆک وەزیرانی عێراق دەکات.

بە پێی هەواڵی مێهر، مەسعوود بارزانی سەرۆکی پارتی دیموکرات لەبارەی پەیوەندییەکانی نێوان هەولێر و بەغداو دەڵێت: پارتی بە درێژایی تەمەنی خەباتی سیاسیی خۆی، خوازیاری دانوساندن و چارەسەرکردنی کێشەکان بە شێوەیەکی ئاشتیانە و لێکتێگەییشتن بووە.

مەسعود بارزانی دەشڵێت: لە ئێستایشدا جەخت لە پەیڕەوکردنی هەمان نەهج دەکەینەوە و هاوکات هەموو هەوڵ و تێکۆشانی پارتی بۆ ئەوە دەبێت، کە لەگەڵ تێکۆشەر و نیشتمانپەروەرانی تری کوردستان مافە دەستوورییەکانی گەلی کوردستان بچەسپێنێت و دژی هەموو بیرۆکە و عەقلییەتێک دەوەستێتەوە، کە بیەوێت خەبات و قوربانیدانی گەلی کوردستان و شەراکەتی گەلی کورد لەناو دەوڵەتی عێراق پشتگوێ بخات.

بارزانی پەیامێکی بۆ ئەو مەبەستە ئاراستەی کازمی کردووەو باسی لەوەش کردووە، لەگەڵ هەموو ئەوانەیشدا بە بۆچوونی ئێمە لەگەڵ مستەفا کازمی سەرۆک وەزیرانی ئێستای عێراق، کە تێگەییشتنی بۆ دۆزی گەلی کوردستان هەیە، ئەو دەرفەتە هەیە کێشەکانی نێوان هەولێر و بەغدا لە چوارچێوەی دەستووردا چارەسەر بکرێت و هەردوولا بگەینە ئەنجامی باش.

هەروەها دەڵێت: ئەو دەستوورەی هەیە، ئەگەر وەک خۆی جێبەجێ کرا با ئێستا زۆرێک لەو گرفتانە نەدەبوون، کە لە نێوان هەولێر و بەغدادا هەیە.

ئەمە لەکاتێکدایە، ماوەیەکی زۆرە کێشەو ئاڵۆزی لەنێوان هەرێمی کوردستان‌و عێراق هەیەو بەم دوایانەش دەستیان بەگفتوگۆ کردووە، بۆ ئەوەی لەبارەی کێشەکان بگەن بەرێککەوتن، بەتایبەتی لەپرسی نەوت‌و بودجەی هەرێم.

News Code 33701

نیشانەکان

بۆچوونی ئێوە

You are replying to: .
  • 3 + 9 =