پەکەکە و تورکیا شەڕ لە خاکی هەرێمی کوردستان ببەنە دەرەوە

بە پێی ڕاپۆرتی ئاژانسی هەواڵی مێهر، لەو راگەیێندراوەدا هاتووە: "پێویستە  پەکەکە و تورکیا شەڕ و ململانێکانی خۆیان ببەنەوە دەرەوەی خاکی هەرێمی کوردستان و عێراق و چیتر خەڵکی ئێمە نەکەنە قوربانیی ئەو ململانێیە".

لە راگەیێندراوەکەی وەزارەتی ناوخۆی حکوومەتی هەرێمی کوردستاندا وردەکاری کاتی ئەنجامدانی هێرشەکە بڵاوکراوەتەوە، کە کاژێر 2:45 خولەکی پاشنیوەڕۆی سێشەممە 11ی ئاب لە ناوچەی برادۆست بووە.

وەزارەتی ناوخۆ لەو راگەیێندراوەدا نووسیویەتی: "دووپاتی دەکەینەوە کە پێویستە پەکەکە و تورکیا شەڕ و ململانێکانی خۆیان ببەنەوە دەرەوەی خاکی هەرێمی کوردستان و عێراق و چیتر خەڵکی ئێمە نەکەنە قوربانیی ئەو ململانێیە".

هەروەها دەشڵێت: "خەڵکی خۆمان دڵنیادەکەینەوە کە حکومەتی هەرێمی کوردستان وەکوو هەمیشە هەموو توانا و هەوڵەکانی خۆی دەخاتەگەڕ بۆ دوورخستنەوەی ئەم ململانێیە لە هەرێمی کوردستان".