بە ڕاپۆرتی ئاژانسی هەواڵی مێهر، بێهرووز کەماڵوەندی بە ئاماژە بە دوو ڕاپۆرتی ئاژانسی نێودەوڵەتی وزەی ئەتۆمی سەبارەت بە ئێران وتی: لە ڕاپۆرتی یەکەم کە دەبێ لەبارەی بەرجام بێت و سێ مانگ جارێک بڵاو بێتەوە، هاتووە کە بە ئاوردانەوە لە کشانەوەی ئێران لە پابەندییەکانی بەرجامی، بە خێرایی مادە پیتاندراوەکان بەرز بوونەتەوە و توێژینەوە و گەشەش لە سەر دەزگاکان لە ئەنجامدانە.
ناوبراو سەبارەت بە ڕاپۆرتی دووهەمی ئاژانس ڕوونی کردەوە: لەو ڕاپۆرتە کە بۆ یەکەمجار بڵاو دەبێتەوە و بە پێی ئەوە، ئاژانس پێداگرە لە هەندێ داخوازیی نایاسایی و ناپرێنسیپانە. ئاژانس بۆ ساڵێک دەچێت ئەو داخوازیانەی هەیە و ئێران وەڵامی نەرێنی پێداوەتەوە، چونکە ئەوان خوازیاری دەست ڕاگەیشتن بە هەندێ لە کەرتەکانن. لە کاتێکدا کە لە پرۆتۆکۆلی ناڤۆکی و تەنانەت لە بەرجامیشدا لە سەر ئەو ڕێککەوتووین کە ئەو کارە ئەنجام نەدرێت.
بێهرووز کەماڵوەندی وتیشی: ئەو داخوازییەی ئاژانس بنەمای یاسایی و پرێنسیپی بۆ نییە و لە بنەڕەتەوە ئەرکی وڵاتانی ئەندامی ئاژانس ئەوەیە کە دەبێ سەبارەت بە مادەگەلی ناڤۆکی خۆیان ڕاپۆرت بدەن. ئێرانیش لە بەشی پادمانی ڕاپۆرت دەدا و ئەوان لە سەر دروستیی ڕاپۆرتی ئێران دەکۆڵنەوە و ئەگەری ئەوە هەیە بۆ لێکدانەوەی دروستیی ڕاپۆرتەکان دەست پێڕاگەیشتنیان بە هەندێ کەرتی دیار هەبێت.
Your Comment