وڵامی ئەمریکا لە کات و شوێنێکدا دەدرێتەوە کە سەخترین ئازاری پێ بگات

وەزیری دەرەوەی ئێران وتی: ئەمریکا وڵامی ئەو دەستدرێژی و بێ شەرمیەی خۆی لە کات و شوێنی گونجاودا کە سەخترین ئازاری پی بگات ، وەردەگرێتەوە لەوە دڵنیا بێت.

 بە ڕاپۆرتی هەواڵنێری مێهر، محەمەد جەواد زەریف، وەزیری دەرەوەی ئێران لە ڕێوڕەسمی دەستپیکی  کۆبوونەوەی " مەکۆی گفتوگۆی تاران؛ بیست و سێهەمین کۆنفڕانسی نێودەوڵەتی کەنداوی فارس" کە ئەمڕۆ سێ شەمە لە ناوەندی توێژینەوەی سیاسی وەزارەتی دەرەوەی ئێران بەڕێوەچوو، وتی:  کۆتایی هاتنی ئەمریکا لە ڕۆژاوای ئاسیا دەستیپێکردووە.

وەزیری دەرەوەی ئێران زیادی کرد: ئەمریکا بەتیرۆر کردنی فەرماندەیەکی باڵای سەربازی ئێران، دەرگای ڕێگاگەلێکی کردەوە کە دێر یان زوو یەخەی خۆی لە ڕۆژهەڵات یان ڕۆژاوای جیهان دەگرێتەوە.

زەریف ڕایگەیاند: ئەمریکا جارێکی دیکە بە هەموانی سەلماند کە هیچ بەڵێنێکی نییە و ڕێز لە هیچ یاسا و ڕێسایەکی نێودەوڵەتی ناگرێت. ئەمە هەمان ڕوانگەی سەرلێشواوە و دژە مافی نێودەوڵەتی ئەمریکایە کە بێ شەرمانە هەڕەشە لە میراتی فەرهەنگی ئێران دەکات کە میراتێکی هاوبەشی شارستانیەت و فەرهەنگی مرۆڤیە.

ڕاشیگەیاند: سپەهبۆد شەهید قاسم سولەیمانی " بانگەوازی" سەربەخۆیی خوازی ناوچەیەک بوو کە چەندین دەیە بە بۆنەی شەهوەتی بێ کۆتایی حاکمانی زەڕ و زۆری نێودەوڵەتی و هاوپەیمانە گەمژە و دەرفەت خوازەکانی لە ناوچەکە تووشی دۆخێکی سەخت و دژوار بووە.

زەریف وتی: ئەوەی کە ڕۆژی هەینی 13ی بەفرانبار لە بەغدا ڕوویدا، نەک تەنیا هێرش بۆ سەر سەروەری نیشتیمانی عێراق و تیرۆری دڕندانە و ترسەنۆکانی سەردار سولەیمانی بوو، بەڵکوو کردنە ئامانجی یەکێک لە سەرەکیترین دابین کارەکانی ئاسایش لەو ناوچەیە بوو کە ئەلقاعیدە و داعش و بەرەی نوسرە و گرووپە تیرۆریستەکانی سەر بە ئەمریکا پیلانی جۆراوجۆریان تێدا دەڕەخساند و کەسانی وەک سەردار سولەیمانیان بە گەورەترین دوژمنی خۆیان دەزانی.

News Code 30330

نیشانەکان

بۆچوونی ئێوە

You are replying to: .
  • 1 + 3 =