بە ڕاپۆرتی ئاژانسی هەواڵی مێهر بە گێرانەوە لە ڕۆیتێرز، پۆل ڕایان سەرۆکی ئەنجومەنی نوینەرانی کۆنگرسی ئەمریکا ناڕەزامەندیی خۆی بۆ بەشداریی ئێران لە سیستەمی بانکی و ڕەوتی سووڕی دۆلار دەربڕی.
ڕایان بە نوێنەرایەتیی کۆماریخوازانی کۆنگرێسی ئەمریکا رۆژی پێنج‌شەممە ڕایگەیاند کە کۆنگرە بە تەواو هێزەوە رێگری لە بەشداریی ئێران لە دانوستان و مامەڵە بازرگانییەکان لە رێگەی دۆلارەوە دەکات.
بە دوای جێبەجێ بوونی بەرجام و هەڵوەشانەوەی گەمارۆوەکانی ئێران، کۆماریخوازان نیگەرانیی خۆیان لە ئەگەری دەست پێڕاگەیشتنی ئێران بە سیستەمی ماڵیی ئەمریکا و بەهرەوەرگرتن لە دۆلار لە مامەڵە دەرەوەییەکانی دەربڕیوە.
هەڵوێستی کۆماریخوازان لە بەرامبەر بازرگانیی ئێران و بەشداربوونی لە ئاستی نێونەتەوەیی لە کاتێکدایە کە دەوڵەتی ئەمریکاش ماوەیەک لەوە پێش ڕایگەیاندبوو کە ئیزنی مامەڵەی بانکی بە ئێران نادات.
تۆماس شاتۆن جێگری جان کری لە کاروباری سیاسی و یاسایی لە کۆبوونەوەی گوێگرانی کۆنگرەدا وتبووی کە رێگری دەکات لە بەشداریی ئێران لە سیستەمی بانکیی ئەمریکا.
Your Comment