ئەمریکا کارمەندەکانی لە بەغدا و هەولێر دەکشێنێتەوە

وەزارەتی دەرەوەی ئەمریکا لە رێگەی باڵوێزخانە و کونسوڵخانەی وڵاتەکەیەوە لە بەغدا و هەولێر داوا لەو کارمەندانە دەکات کە کاری گرنگیان نیە لە عێراقدا بەپەلە وڵاتەکە جێبهێڵن.

بە راپۆرتی ئاژانسی هەواڵی مێهر، وەزارەتی دەرەوەی ئەمریکا لە راگەیەندراوێکدا، داوا لەو کارمەندانەی دەکات کە کاری گرنگیان نیە لە عێراقدا، بەپەلە وڵاتەکە جێبهێڵن، ئەوەش بەهۆی زیادبونی گرژیی و ئاڵۆزییەکانەوە.

ئاماژەی بەوەشکردووە، پێدانی ڤیزا بە هاووڵاتیانی عێراقی بە شێوەیەکی کاتی ڕادەگیرێت.

 ئەوە دوەم هۆشداری وەزارەتی دەرەوەی ئەمریکایە بۆ کارمەندانی باڵوێزخانە و کونسوڵخانەی وڵاتەکەی لە عێراق دوای تێکچونی زیاتری پەیوەندیەکانی ئەو وڵاتە لەگەڵ ئێران.

12ی ئەم مانگە، وەزارەتی دەرەوەی ئەمریکا لە بەغدا لە راگەیەندراوێكدا هۆشداریدایە خەڵكی وڵاتەكەی لە عێراق و رایگەیاند: "بەهۆی زیاتربونی گرژی و ئاڵۆزیەكانی ناوچەكە ئاگاداری ئاسایش و سەلامەتی خۆیان بن."

News Code 26519

نیشانەکان

بۆچوونی ئێوە

You are replying to: .
  • 2 + 9 =