ڕێبەری باڵای ئێران داوای لە گەڵی ئێران کرد نمام بچێنن

بە ڕاپۆرتی ئاژانسی هەواڵی مێهر، ئایەتوڵڵا سەید موجتەبا حوسێنی خامنەیی ڕێبەری باڵای ئێران لە پەیامێکدا بۆ یادی ڕۆژی کۆماری ئیسلامیی ئێران و لە سەروبەندی ڕۆژی سروشتدا داوای لە نەتەوەی ئێران کرد کە نەمام بە یادی شەهیدانی شەڕی سێهەمی سەپێنراو بچێنن و ئەم چالاکییەی بە هێمای خۆشگوزەرانی و هیوا و وەڵامدانەوەی نەتەوەیی بۆ خراپەکاری دوژمنانی منداڵکوژی نەتەوەی ئێران وەسف کرد.

نەتەوەی قارەمانی ئێران ئەمساڵ بە حەماسە و غیرەت نەورۆزیان بەڕێوە بردووە و دوای بەرزڕاگرتنی خاکەلێوە١٢ – ڕۆژی کۆماری ئیسلامی ئێران – پێشوازی لە ڕۆژی سروشت دەکەن.

ئێستا کە دوژمنی دڕندە و بێ بەزەیی ئەمریکی و زایۆنیستی لە دڕندەیی خۆیدا هیچ سنوورێکی مرۆیی و ئەخلاقی و ژیانیی ناناسێت و تەنانەت پەلاماری سروشت و ژینگەیی نیشتمانە خۆشەویستەکەمانی داوە و زیانی پێگەیاندووە، هەر هەنگاوێک بەرەو فراوانکردنی ئاوەدانی و بنیاتنانی ئایندەیەکی گەش بۆ ئێران کردەیەکی شایستە و باشە. لە نێو ئەو کارە شایستەشدا ئەوەیە کە هەموو خەڵک لە هەموو شار و گوندەکاندا، بە هاوکاری یەکتر و بە هاوکاری و هەماهەنگی لەگەڵ دەزگا پەیوەندیدارەکان، نەمامی بەرهەمدار بچێنن و لە ڕۆژی سروشتەوە تا کۆتایی بەهار، بە تایبەت لە ڕۆژانی خاکەلێوە، چاودێریی پێویست لە دوای ئەوە بکەن.

مێردەزمە سیفەتەکانی منداڵکوژی ئەمریکی و زایۆنیستی بە شێوەیەکی دڕندانە منداڵانی قوتابخانەی شەجەرەی تەیبەیان شەهید کرد؛ بەڵام نەتەوەی ئێران بە یادی هەموو شەهیدان و بەتایبەت شەهیدانی جەنگی سەپێندراوی سێیەم، نەمامی ئومێد لە سەرانسەری خاکەکەیدا دەچێنێت بۆ ئەوەی هەریەک لەو نەمامانە لە ساڵانی داهاتوودا ان شاءاللە ببنە دارێکی باش و بەرهەمدار.