کەلیموڵڵا تەوەحودی: کاریگەری مامۆستا هەژار لەسەر زمان و ئەدەبیاتی فارسی نکۆڵی نەکراوە

بە ڕاپۆرتی ئاژانسی هەواڵی مێهر، کەلیموڵڵا تەوەحودی لە لێدوانێکدا لە ڕێوڕەسمی خەڵاتی قەڵەمی هەژار، ئاماژەی دایە سەر پێگەی مامۆستا هەژارر لە وێژەی کوردی و جەختی کرد: ئەو زانا کوردە جگە لە وێژەی کوردی، لەسەر ئەدەبیاتی فارسیش کاریگەری نکۆڵی نەکراوە هەبووە.

ناوبراو وێڕای باس کردنی بیرەوەرییەکانی خۆی لەگەڵ مامۆستا هەژار، لە درێژەدا کتێب و ئاسەوارەکانی خۆی کە بۆ خزمەت بە زمان و وێژەی کوردی نووسیوە، ناساند.

ناوبراو وێڕای سکاڵا لە دۆخی نالەباری ئابوورری نووسران و ئەهلی قەڵەم، جەختی کرد: سەرەڕای ئەوە نووسینی کتێب درێژەی دەبێت و لە خزمەت کردن بە زمان و وێژەی خۆمان ناوەستینەوە.

تەوەحودی لە درێژەدا دەسخۆشی بەڕێوەبەرانی ڕێوڕەسمی قەڵەمی هەژاری کرد و بۆ بەردەوام بوونی ئەو ڕێوڕەسمە هیوای خواست.