بە ڕاپۆرتی ئاژانسی هەواڵی مێهر، خەڵاتی نێودەوڵەتی قەڵەمی هەژار، ئەمرۆ چوارشەممە یەکەمین خولی خۆی بە میواندارێتی توێژینگەی کوردستانناسی زانکۆی کوردستان دەسپێکرد و مامۆستا ماجد مەردووخ ڕۆحانی، وەک ئەندامی بەرچاوی ئەنجومەنی سیاسەتدانەریی ئەم خەڵاتە، لە وتاردانی کرانەوەی ڕێوڕەسمەکە، ڕایگەیاند: ئەم خەڵاتە بەرهەمی دوو دەیە هەوڵی فەرهەنگی و داواکاریی کۆمەڵایەتی خەڵکی کوردستانە.
ناوبراو بە ئاماژە بەوەی کە دەوڵەمەندیی میراتی فەرهەنگی هەژار، بەردەوام هاندەری چالاکانی ڕێبازی ئەو هۆنەرە بووە، ڕاشیگەیاند: لە ساڵی 1381ی هەتاوی تا ئیستا، هەوڵێکی زۆر دراوە بۆ بەڕیوەچوونی ئەم ڕووداوە.
هاوکات نووسەری ناسراوەی موکریانی، مامۆستا محەمەدئەمین واژی، لە لێدوانێکدا
مامۆستا هەژاری بە بووژێنەری زمانی کوردی زانی و وتی: مامۆستا هەژار بە وەرگێڕانی قورئان، یاسای ئەبوو عەلی سینا و بەرهەمە جۆراوجۆرەکانی دیکەی، سەلماندی کە ئەدەبیاتی کوردی توانای تێگەیشتن و نواندنەوەی زانستە جۆراوجۆرەکانی هەیە.
Your Comment