بە پێی ڕاپۆرتی ئاژانسی هەواڵی مێهر، عەلی ئەکبەر موزەفەری زیادی کرد: تا سێ ساڵ لەمەوبەر ئەم زانکۆیە لە ڕیزبەندی 600 بۆ 800 لە زانکۆکانی وڵاتدا بوو، هیوادارین ئەمساڵ لە ڕیزی یەکەم زانکۆکانی جیهان بێت.
ناوبراو بە ئاماژە بەوەی کە سێ پەیمانگای توێژینەوە و نۆ ناوەندی توێژینەوە لە زانکۆی کوردستان چالاکن، لە درێژەی قسەکانیدا وتی: پەیمانگای توێژینەوەی کوردستانناسی یەکێکە لە پەیمانگا چالاکەکانی توێژینەوە و ئەم خەڵاتە لە سایەی هەوڵی ئەم توێژینگە بەڕێوە دەچێت.
بە وتەی جێگری سەرۆکی توێژینەوەی زانکۆی کوردستان، ٢٢ گۆڤار بە زمانەکانی فارسی، کوردی، ئینگلیزی لەم زانکۆیەدا بۆ سەرتاسەری جیهان دەنووسرێن و چاپ دەکرێن.
موزەفەری لە درێژەی قسەکانیدا وتی: زانکۆی کوردستان پڕۆژەی هاوبەشی لەگەڵ 28 وڵاتی جیهان هەیە، هەروەها 13 لە مامۆستایانی زانکۆکە لە ڕیزی 1%ی یەکەمی زاناکانی جیهانن.
ئاماژەی بەوەشکرد، 175 کتێب بە لۆگۆی زانکۆی کوردستان چاپکراون، هەروەها کتێبی تایبەت بە منداڵان بە زمانی کوردی دەنووسرێت.
Your Comment