پێشوازیی بەربڵاوی نووسەران لە خەڵاتی قەڵەمی هەژار

بە ڕاپۆرتی ئاژانسی هەواڵی مێهر، دوکتۆر مەسعوود بینەندە بەرپرسی توێژینەوەیی توێژینگەی کوردستانناسی زانکۆی کوردستان بە ئاماژە بە بەڕیوەچوونی ڕێوڕەسمی یەکەمین خەڵاتی نێودەوڵەتی قەڵەمی هەژار لە حەوتەی یەکەمی مانگی جۆزەردانی ئەوساڵی هەتاوی و هاوکات لەگەڵ ساڵڕۆژی لەدایک‌بوونی مامۆستا هەژار، وتی: یەک هەزار بەرهەم لە بوارەکانی ڕۆمان، شانۆنامە، ئەدەبی منداڵان، زمانناسی، فۆلکلۆر، زانستە مرۆڤایەتییەکان و نێوان‌ڕشتەکان لە ناوخۆی ئێران، هەرێمی کوردستان، کوردستانی سووریا، کوردستانی تورکیا، ئەورووپا، ئەمریکای باکوور و ئۆستراڵیا گەیشتۆتە نووسینگەی بەڕێوەبەریی ئەم خەڵاتە.

ناوبراو هەروەها لە بەشداریی ستافی زانکۆیی لە 7 پارێزگای وڵات و هاوکار بەشداریی ناوەندە چالاکە فەرهەنگی و زانستییەکان لەو بەڕیوەچوونی خەلاتی قەڵەمی هەژار هەواڵی دا و وتیشی: بەرهەمە گەیشتووەکان لە قۆناغگەلی جۆراوجۆری تەمەن و بە زمانەکانی کوردی، فارسی و عەرەبی نووسراون.