یەکگرتوویی جیهانی ئیسلام، تەنیا ڕێگای وەستان لە بەرانبەر زلهێزەکانە

بە ڕاپۆرتی ئاژانسی هەواڵی مێهر، ڕێبەری ئێران لە دیداری بەرپرسانی دەسەڵات، باڵوێزی وڵاتانی ئیسلامی و کۆمەڵێک لە چینە جیاجیاکانی خەڵک، سەرفرازی ڕۆژ لەدوای ڕۆژ زیاتری ئیسلام و بەرەنگار بوونەوەی زۆربێژی و باجخوازی زلهێزەکان لە گرەوی یەکگرتوویی و زانینی ئۆمەتی ئیسلامی وەسف کرد و بە جەخت لەسەردرێژ کردنەوەی دەستی برایەتی کۆماری ئیسلامی بۆ لای هەموو وڵاتانی ئیسلامی وتیان: ڕێگای بەرەنگار بوونەوەی کاریگەری جەنایەتە بێ وێنەکانی ئیسرائیل و پاڵپشتەکانیان لە فەلەستین و لوبنان، یەکگرتوویی و هاودڵی و هاوزمانی وڵاتانی ئیسلامییە.

ئایەتوڵڵا خامنەیی ئەم جێژنەی یەکێک لە خاڵەکانی پیوەندی جیهانی ئیسلام و هۆی زیاد بوونەوەی ڕۆژلەدوای ڕۆژی عیزەتی ئیسلام وەسف کرد و وتیان: پێداویستی سەربڵندی ڕۆژ لەدوای ڕۆژ زیاتری ئیسلام، یەکگرتوویی و هاودڵی و زانینی ئۆمەتی ئیسلامییە.

هەروەها بە ئاماژە بە ڕووداوەکانی جیهان وتیان: هەمبەر ئەو ڕووداوە خێراگەلە، وڵاتانی ئیسلامی ئەبێ بە خێرایی و وردبینیەوە پێگەی خۆیان دیاری بکەن و پلانیان بۆی هەبێت/

ڕێبەری ئێران حەشیمەتی زۆری موسڵمانان، سامانی سروشتی و جێگیر بوون لە جوگرافیای هەستیاری جیهانی هەلی گرینگی جیهانی ئیسلام هێنایە ئەژمار و وتیان: پێداویستی بەاکرهێنانی ئەو هەلانە ، یەکگرتوویی جیهانی ئیسلامە، یەکگرتوویی بە واتای یەک بوونی دەوڵەتەکان یان هاوبیر بوونیان لە هەموو بوارە سیاسییەکان نییە بەڵکوو بە واتای ناسینی بەرژەوەندی هاوبەش و پێناسەی بەرژەوەندی خۆیان بە شێوەیەک کە نەبێتە هۆی شەڕ و دژایەتی .

ئایەتوڵڵا خامنەیی هاوکاری و هاوبیری دەوڵەتە ئیسلامییەکانی لەمپەری ڕێگای زۆربێژی و باجخوازی وڵاتانی ستەمکار وەسف کرد و وتیان: ئەمڕۆ بەداخەوە داوای باج کردن لە دەوڵەت و گەلانی لاواز بووەتە کاری زلهێزەکان کە لە بەرانبەریدا، ئێمە وڵاتانی ئیسلامی ئەبێ بەرگری لە مافی جیهانی ئیسلام بکەین و ئیزنی باجخوازی بە ئەمریکا و جگە لە ئەویش نەدرێت.

ڕێبەر بە ئاماژە بە برینداربوونی فەلەستین و لوبنان بەهۆی جەنایەتەکانی ئیسرائیل و پاڵپشتەکانی ، لەسەر وەستانی جیهانی ئیسلام لە بەرانبەر ئەو ڕەنجانە وتیان: بە یەکگرتوویی و هاودڵی و هاوزمانی وڵاتانی ئیسلامی، لایەنەکانی دیکە ڕێوشوێنی خۆیان دەزانن و هیواداین بەرپرسانی وڵاتانی ئیسلامی بتوانن بە هەوڵ و ئەنگێزە و جووڵەی خۆیانەوە، ئۆمەت یئیسلامی بە واتای راستەقینە پێک بهێنن.