بە ڕاپۆرتی ئاژانسی هەواڵی مێهر، سەرەڕای ڕەت‌کردنەوەی وەزارەتی بەرگری ئەمریکا بۆ کردنەوەی بنکەیەکی سەربازی ئەمریکی لە شاری کۆبانی، ڕێکخراوی چاودێری مافی مرۆڤی سووریا لە گەیشتنی ڕۆژانەی جیهازتی جەنگی و لۆجێستیکی ئەمریکی بۆ کوردستانی سووریا هەواڵی دا.
بە گوێرەی ڕاپۆرتی ئەو ڕێکخراوەیە، لە ماوەی یەک حەوتەی ڕابردوو، ئەمریکا ڕۆژانە لە ڕیگەی ئاسمان و زەوییەوە چەندین کاروانی چەک و چۆڵ و جیهازاتی لۆجێستیکی ڕەوانەی بنکەکانی خۆی لە کوردستانی سووریا کردووە.
ڕێکخراوی چاودێری مافی مرۆڤی سووریا ئاشکرای کرد کە تەنیا لە 3 ڕۆژی ڕابردوو، کاروانێکی پێکهاتوو لە 20 لۆریی هەڵگری چەک و جیهازاتی لۆجێستیکی لە ڕێڕەوگەی سنووریی والید لە هەرێمی کوردستانەوە گەیشتۆتە باکووری ڕۆژهەڵاتی سووریا.
Your Comment