هێرشی نوێی یەمەن بۆ سەر ئیسرائیل؛ تۆقانی زایۆنییەکان

بە ڕاپۆرتی ئاژانسی هەواڵی مێهر بە گێڕانەوە لە "المسیرە"، سەرچاوەکانی هەواڵ لە بیسترانی زیاتر لە 150 ئاژیری هوشدار لە سەرزەوینە داگیرکراوەکان لەپاش هێرشی مووشەکی یەمەن بۆ سەر ئیسرائیل و برینداربوونی 21 کەسی زایۆنی هەواڵیان دا، کە لانی‌کەم 12 کەسیان لە کاتی هەڵاتن بۆ پەناگەکان بریندار بوونە.

هاوکات وتەبێژی ئەرتەشی ڕژیمی زایۆنی ئیدعای پێوشوێن‌گرتنی مووشەکە هاویشتراوەکان لە یەمەنەوە بەرەو ئیسرائیلی کرد و وتی کە بەوەشەوە مووشەکێک لە بنکەی سەربازیی نزیکی شارۆچکەی مودەیەعین کەوتووە.

شایانی باسە، میدیاکانی ڕژیمی زایۆنی وێڕای ئاماژە بە ناکام‌بوونی سیستەمگەلی پەدافەندی ئەو ڕژیمە لە پێوشوێن‌گرتنی مووشەکە هاویشتراوەکانی یەمەن، باسیان لە داخرانی فرۆکەخانەی بێن گوریون و وەستاندنی هەموو گەشتە ئاسمانییەکانی ئیسرائیل کرد.