بە راپۆرتی ئاژانسی هەواڵی مێهر، ڕێوڕەسمی ڕوونوێنی لە خەڵاتی قەڵەمی هەژار ئەوڕۆ شەممە ٢٤ی سەرماوەز بە هەوڵی توێژینگەی کوردستانناسی زانکۆی کوردستان و بە ئامادەبوونی بلیمەتانی فەرهەنگی کورد لە تەلاری مەلەوی زانکۆی کوردستان بەڕێوەچوو.
لەو ڕێوڕەسمە وێڕای ناساندنی خەڵاتەکە کە بڕیارە ساڵانە ئاراستەی باشترین کتێبەکان لە بواری نووسین و وەرگێڕان لەبارەی ئەدەبیاتی کوردی، توێژینەوە زمانناسی و ئەدەبییەکان و هەروەها بەرهەمە نێوان‌ڕشتەییەکان بکرێت، ئاماژە بەوە کرا کە یەکەم خولی ئەو خەڵاتە کە بریتییە لە میدالی مامۆستا هەژار و خەڵاتی تایبەتی خاکەلێوەی ساڵی داهاتووی هەتاوی (١٤٠٤) بەڕێوە دەچێت.
شایانی باسە لەو ڕێوڕەسمەدا کۆی بەرهەمە چاپکراوەکانی مامۆستا هەژار کە لە لایەن وەشەنخانەی کوردستانەوە چاپ کراونەتەوە، ڕوونوێنی کرا.
Your Comment