بە ڕاپۆرتی ئاژانسی هەواڵی مێهر بە گێڕانەوە لە "بغداد الیوم"، فەرماندەی ئۆپەراسیۆنی هاوبەشی عێراق ئەوڕۆ شەممە لە کوژرانی 5 تیرۆریستی داعشی لە مۆڵگەیەکی داعش لە وادی زغیتوونی سەر بە پارێزگای کەرکووک، لە ئەنجامی هێرشی فرۆکە جەنگییەکانی ئێف 16ی ئەو وڵاتە هەواڵی دا.
بەپێی ئەو هەواڵە پاش بۆردوومانی ناوچەکە لە لایەن فرۆکە جەنگییەکانی عێراق، هێزی پشکێنەری و هەواڵگری وێڕای دۆزینەوەی تەرمی 5 تیرۆریستی داعشی لە مۆڵگەی پێکراوەدا، دەستیان بە سەر 4 تفەنگ، 2 پشتوێنەی تەقینەوەیی و 6 نارنجۆک و کۆمەڵێک چەک و جیهازاتی پێوەندیدا گرتووە.
هاوکات ئەرشەد حەکیم وتەبێژی ڕێکخراوی ئاسایشی نیشتمانی عێراق لە پووچەڵ‌کردنەوە و دەستگیریی باندێکی داعشی لە پارێزگای کەرکووک لە لایەن هێزی ئاسایشی پارێزگا بە هاوئاهەنگی لەگەڵ ئیدارەی گشتیی ئاسایشی سلێمانی هەواڵی دا و ڕایگەیاند کە لەو ئۆپەراسیۆنەشدا 7 تیرۆریستی داعش کوژران و 50 تیرۆریستی تر دەستگیر کراون.
Your Comment