بایدن؛ لە بانگەشەی پشتیوانی کردنی ژنانی ئێرانەوە تا لێدانی ژنان لە ئەمریکا

بە ڕاپۆرتی ئاژانسی هەواڵی مێهر، پێگەی هەواڵی ئەلجەزیرە لە ڕاپۆرتێکدا لە سیاسەتی دووفاقیی جۆ بایدن، سەرۆک کۆماری ئەمریکا سەبارەت بە ناڕەزایەتییەکانی ئەم وڵاتە و وڵاتانی دیکەی ئەورووپا شرۆڤەیەکی بڵاوکردەوە و نووسیویەتی کە هێزی پۆلیسی ئەمریکا بە توندی لە مامۆستایەکی ژنی زانکۆیەکی دیاری ئەم وڵاتەیان داوە . هیچ بایەخێک بە هاواری ئەم ژنە نادەن کە باسی پلەی زانستی خۆی و مافی ئازادی قسەکردن و ڕادەربڕین دەکات.

ئەلجەزیرە ئاماژەی بەوەدا کە ئۆپەراسیۆنی گەردەلولی ئەقسا ڕووخساری وەهمیی مرۆڤایەتی و دیموکراسی ڕۆژئاوای ئاشکرا کرد و دەمامکی ئازادییەکەی لابرد کە لە ماوەی چەند دەیەیەکدا بنیات نرابوو، جەختیشی لەوە کردەوە کە زانکۆکانی ئەمریکا بزاڤێکی بەرفراوانیان لە دژی ئیسڕائیل و تاوانە دڕندانەکانی و هەروەها پشتیوانی واشنتۆن لە ژینۆسایدی ڕژێمی زایۆنیستی لە غەززە دەستپێکردووە؛ ئەو بزاڤە کە لە زانکۆکانی ئەمریکاوە دەستی پێکرد و گواسترایەوە بۆ کەنەدا و فەرەنسا؛ هەڵسەنگاندنەکان دەریدەخەن کە زۆربەی وڵاتانی ڕۆژئاوا و بەتایبەت ئینگلیز دەگرێتەوە.

به پێی ئەم ڕاپۆرته ، له هێرشکردنه سه ڕ ناڕەزایەتی و خۆپیشاندانی خوێندکاراندا، پۆلیسی ئەمریکا به توندی لە ژنان دەدات و لەگەڵ سەدان خوێندکار و مامۆستای زانکۆدا دەباتە گرتووخانە.

کارۆلین فۆکین مامۆستای ئابووریی زانکۆی ئیمۆری یەکێکە لەو کەسانەی کە پێگەی ئەکادیمی و زانستیەکەی لە ژێر دەست و پێی هێزی پۆلیسدا بەکەڵکی نایێت. لە زانکۆی واشنتۆن پۆلیسی ئەم وڵاتە بە هەمان شێوە مامەڵەی لەگەڵ جیل ستین، پزیشکی ژنی تەمەن ٧٣ ساڵ و بەربژێری سەرۆکایەتی ئەمریکا کرد و دەستبەسەریان کرد.

لە شوێنێکی تردا دەبینرێت کە پۆلیس لاقی دەخاتە بن ملی کچێکی گەنجی خوێندکار کە گوایە هاوار دەکات دژی ئەوەی ئەمریکا پارەی کوشتنی ژنان و منداڵان لە فەلەستین دابین دەکات و دەبێت ئەم پارە دانە ڕابگرێت.

ئەلجەزیرە لە درێژەی شرۆڤەکەیدا دەنووسێت: بە چاودێریکردنی ئەم ڕووداوانە، پاگەندەکانی جۆ بایدن، سەرۆکی ئەمریکا سەبارەت بەو شتەی کە ناوی لێنا چەوساندنەوەی ژنان لە ئێران و وڵاتانی دیکەی جیهان، بیردەخرێتەوە. لە هەمان کاتدا هەڵسوکەوتی ئێستای پۆلیسی ئەمریکا هاوشێوەی فیلمە کاوبۆیەکانی هەشتاکانی ڕابردووە و بایدن هێشتا بە مافی خۆی دەزانێ قسەی ئازادی و بەهاکانی پێکەوە ژیانی ئاشتیانە بکات بۆ وڵاتانی دیکە، بەڵام لە ناوخۆی وڵاتی خۆیدا خەڵکی ئەم وڵاتە هەرگیز ناتوانن هێڵە سوورەکان ببڕن چونکوو برا گەورەکە [ئیسرائیل] تووڕە بکەن.

لەم نووسینەدا جەخت لەوە دەکاتەوە کە زانکۆکانی ئەمریکا خراپترین مۆتەکەیان بۆ زایۆنیستەکان خوڵقاندووە و شەرعیەتی ئەم ڕژێمە لەناو دەبات و خراپەکاریی ئەخلاقیی زایۆنیست بۆ نەوەی گەنجی ڕۆژئاوادا نیشان دەدات. ئەم ناڕەزایەتیانە نیشاندەری دروستبوونی نەوەی نوێی جوولەکەکانی ڕۆژئاوایە کە لە بنەماڵەی زایۆنیدا پەروەردە بوون، بەڵام هزری زایۆنیستی قبووڵ ناکەن و مەیلیان بەرەو ڕاستی و دادپەروەری هەیە.
دکتۆر عەمار عەلی حەسەن، مامۆستای کۆمەڵناسی لەو بارەوە دەڵێت: گەنجانی ڕۆژئاوا سنووردارکردنی هاووڵاتیانیان لە ڕەخنەگرتن لە ئیسرائیل بەزاندووە ، کە دەیان ساڵە بە سەر ئەم وڵاتەدا زاڵ بووە.