بە پێی ڕاپۆرتی ئاژانسی هەواڵی مێهر، بابەکر زێباری، راوێژکاری سەربازیی سەرۆکی ھەرێم بۆ ماڵپەری فەرمی پارتی وتی: "کەمکردنەوەی بەشە بودجەی پێشمەرگە لە لایەن ئەمەریکاوە، ھیچ پەیوەندییەکی بە چاکسازییەوە نییە".
وتیشی :"پرۆسەی چاکسازی لە وەزارەتی پێشمەرگە بەردەوامە و بەپێی بەرنامەی دیاریکراو بە بێ دواکەوتن پرۆسەکە بەڕێوە دەچێت، پرۆسەی چاکسازی لە وەزارەتی پێشمەرگە بەپێی خشتەی دیاریکراو بەڕێوە دەچێت و ھێزەکان یەک دەخرێن و فیرقەیەک لە تەواوبووندایە و ئەوەی دیکەش کاری تێدا دەکرێت".
لەبارەی کشانەوەی هێزەکانی ئەمریکا لە عێراق بابەکر زێباری وتی "ھێزەکانی ھاوپەیمانان لە عێراق بەردەوام دەبن و خۆشیان باسیان لەوە کرد کە لە عێراق دەمێننەوە و بەردەوام دەبن".
وتیشی "پێویستە ئەو ھێزانە لە عێراق بمێننەوە ، چونکە جارێ عێراق پێویستی بە ھێزی ھاوپەیمانان ھەیە"
Your Comment