بە ڕاپۆرتی ئاژانسی هەواڵی مێهر، جەمشید خێرئابادی ڕایگەیاند: چل وسێهەمین خولی کێبڕکێیە نێودەوڵەتییەکانی زۆرانی ئازادی مۆندیالی تەختی کە وەکوو قۆناغی چوارەمی هەڵبژاردنی هەىژاردەی نەتەوەییش دێتە ئەژمار، لە 10 کێشدا بەڕێوە دەچێت.
ناوبراو زیادی کرد: پێنج زۆرانبازی کوردستانی لەسەر داوای فیدراسیۆنی زۆران بانگهێشتی کێبڕکێیە نێودەوڵەتییەکانی زۆرانی ئازادی مۆندیالی تەختی کران.
خێرئابادی ڕایگەیاند: لەکێشی 70 کیلۆگرام سیاوەش ئەحمەدزادە و ئومێد سادقی و لە کێشی 79 کیلۆدا هادی شەرەفبەیانی و حسێن نەورۆزیان و لە کێشی 92 کیلۆشدا محەمەد موبین عەزیمی بانگهێشتی ئەو کێبڕکێیانە کراون.
هەروەها وتیشی: کێبڕکێیە نێودەوڵەتییەکانی زۆرانی ئازادی مۆندیالی پاڵەوان تەختی لە ڕۆژانی چوار و پێنجی جۆزەردان بۆ ماوەی دوو ڕۆژ بەڕێوە دەچێت.
Your Comment