بە ڕاپۆرتی ئاژانسی هەواڵی مێهر، حسێن ئەمیر عەبدوڵڵاهیان وەزیری دەرەوەی ئێران دوای دیدار و گفتوگۆ لەگەڵ هاوتا لوبنانییەکەی لە کۆنگرەی ڕۆژنامەڤانیدا گفتوگۆ ئەنجام دراوەکانی شرۆڤە کرد و وتی: ئەمڕۆ سەبارەت بە پرسی دوولایەنە ، دوخی ناوخۆیی لوبنان و بابەتی ناوچەیی و نێودەوڵەتی پێکەوە گفتوگۆمان کرد.
ناوبراو زیادی کرد: ئێران جگە لە خێر بۆ لوبنان هیچی دیکەی ناوێت، هەموو لایەنە لوبنانییەکان هان دەدەین بۆ خێرا کردنەوەی هەڵبژاردنی سەرۆک کۆمار و تەواو کردنی رەوتی سیاسی لە ئەو وڵاتە گرینگەی ناوچەکە.
وەزیری دەرەوەی ئێران وتیشی: بەرپرسانی لوبنان و پارتە سیاسییەکانی ئەو وڵاتە و هەموو لایەنەکان لە لوبنان توانایی و شیاو بوونی پێویستیان بۆ گەییشتن بە یەکدەنگی لەسەر هەڵبژاردنی سەرۆک کۆماری وڵاتەکەیان هەیە. لە هەر جۆرە ڕێککەوتنێک لە نێوان هەموو لایەنە لوبنانییەکان پاڵپشتی دەکەین.
Your Comment