تەنیا ڕێگای بەرەنگاربوونەوەی هەڕەشەکان ئەمریکا و هاوپەیمانەکانی بەرخۆدانە

سەرۆک کۆماری ئێران وتی: تەنیا ڕێگای بەرەنگار بوونەوەی هەڕەشەکانی ئەمریکا و هاوپەیمانەکانی وەستان و بەرخۆدانە.

بە ڕاپۆرتی ئاژانسی هەواڵی مێهر، سەید ئیبراهیم ڕەئیسی پێش نیوەڕۆی ئەمڕۆ چوارشەممە لە دیدار لەگەڵ هەڵکەوتەکانی چین، لەسەر گرینگایەتی ڕۆڵی ناوەندە لێکۆڵینەوەییەکان لە تاوتوێ کردنی دۆخی جیهان و خەسارناسی و هەروەها پێشکەش کردنی ڕێکاری لێکۆڵینەوە لەسەر داهاتوو بۆ باشتر کردنی دۆخی سیاسی ، ئابووری، فەرهەنگی و کۆمەڵایەتی کۆمەڵگاکان جەختی کرد.

سەرۆک کۆماری ئێران وتیشی:ئەمڕۆ دۆخی جیهان بە شێوەیەکە کە بە ڕەت کردنەوەی تاک لایەنەیی، هەوڵگەلێک وەکوو ئەوەی کە ئەمریکا و هاوپەیمانەکانی لە ناوچەکە و جیهان بۆ زاڵ بوون بەسەر گەلان ئەنجامی دەدەن، لە لای ڕای گشتی جیهان ڕەت کراوە و ئیدانە کراوە.

ناوبراو بە وتنی ئەوەی کە پێوەندی وڵاتانی سەربەخۆ پێکەوە دوو دەستکەوتی گرینگی ئاڵوگۆڕی دەفرایەتی و پووچەڵ کردنەوەی هەڕەشە و گەمارۆکانی بەدەست هێناوە، زیادی کرد: گەلی ئێران لە هەڕەشە و گەمارۆ ستەمکارانەکان بۆ خۆی هەلی زۆری ڕەخساندووە و لە ڕێگای پێشکەوتنی خۆی سەرکەوتنی زۆری بەدەست هێناوە.

ڕەئیسی تەنیا ڕێگای بەرەنگار بوونەوەی هەڕەشەکانی ئەمریکا و هاوپەیمانەکانی وەستان و بەرخۆدان وەسف کرد و زیادی کرد: بەرخۆدان لەسەر چارەسەری مەترسی، هەڕەشە دەکاتە هەلێک بۆ پێشکەوتن لە حاڵێکدا کە کشانەوە لە بەرانبەر هەرەشەکان جگە لە شکست ئەنجامێکی نابێت.

News Code 45112

نیشانەکان

بۆچوونی ئێوە

You are replying to: .
  • captcha