نابێ لە خاکی عێراقەوە هەڕەشە بکرێتە سەر ئەمنییەت و ئاسایشی ئێران

بە پێی راپۆرتی ئاژانسی هەواڵی مێهر، ناسر کەنعانی لەبارەی هێرشی سوپای پاسداران بۆ سەر گرووپە تیرۆریستییەکان لە خاکی هەرێمی کوردستان وتی:

چاوەڕوانیی ئێران ئەوەیە کە لە خاکی عێراقەوە هیچ هەڕەشەیەک نەکرێتە سەر ئەمنییەتی.

کەنعانی بە هەواڵنێرانی وت: نابێ خاکی عێراق وەک شوێنی هەڕەشە دژی ئێران بەکار بهێنرێت. و چاوەروانین حکومەتی هەرێمی کوردستان و دەوڵەتی عێراق هەستن بە بەرپرسیارێتی نێودەوڵەتی خۆیان و ئەو بەڵێنانەی لە کۆبوونەوە و‌دانوستان لە گەڵ ئێران داویانە.

وتیشی: سەرەرای بەڵێنە بەردەوامەکان کە ئێمە لە بەرپرسانی هەرێمی کوردستان و عێراقمان وەرگرتووە بەڵام ئەوە رووی نەدا و لە ئەنجام ئێران بۆ پاراستنی ئەمنییەتی سنوورەکان و هاووڵاتیانی خۆی و نەهێشتنی هەرەشە هەوڵ دەدات.

کەنعانی رایگەیاند کە لە ماوەی یەکدمانگی رابردوودا دوو کۆبوونەوە لە تاران و بەغدا ئەنجام درا لە نێوان بەرپرسانی باڵای ئەمنی دوو وڵاتدا و جەختمان کرد نابێ هەرێمی کوردستان شوێنی هاتنی چەکدو جیهازات بۆ ناو ئێران بێت و ئەم چەکانە بکەوێتە دەستی ئاژاوەگێران بۆ تێکدانی ئاسایشی خەڵک.