بە ڕاپۆرتی ئاژانسی هەواڵی مێهر، ئەمیر عەبدوڵڵاهیان، وەزیری دەرەوەی ئێران دوانیوەڕۆی دووشەممە لە پێوەندی تەلەفۆنی لەگەڵ مەولوود چاوش ئۆغڵوو، وەزیری دەرەوەی تورکیا سەبارەت بە گرینگترین بابەتە دوولایانە، ناوچەیی و نێودەوڵەتییەکان گفتوگۆیان کرد.
ئەمیر عەبدوڵڵاهیان وێڕای دەسخۆشی بۆ دەربڕینی هاوخەمی وەزیری دەرەوەی تورکیا سەبارەت بە هێرشی تیرۆریستی لە شیراز جەختی کرد: لە هەفتەکانی دوایی هەندێک لە دوژمنانمان هەوڵیان دا تا بە کەڵکوەرگرتنی ئاوەژۆ لە ڕووداوەکانی ئەم دواییە، ئێران، نائەمن و ناسەقامگیر بکەن و بەستێنیان بۆ هێرشی تیرۆریستی داعش خۆش کرد.
وەزیری دەرەوەی تورکیاش بە ئیدانە کردنی ڕووداوە تیرۆریستییەکەی شیراز، جارێکی دیکە سەرەخۆشیی خۆی و دەوڵەت و خەڵکی تورکیای دەربڕی و جەختی کرد: ئێمە هەمیشە بۆ بەرەنگار بوونەوەی تیرۆریزم لە پاڵ ئێران بووە و لەمەوپاشیش هەر دەبین.
بۆچوونی ئێوە