بە پێی هەوای مێهر، هێرۆ شێخولئیسلامی هونەرمەندی هاوچەرخی کوردستان، نوێترین وێنەکانی خۆی بە ڕوانینێک بۆ مۆسیقای ناوچەی کوردستان کێشاوە.
ئەم هونەرمەندە سەبارەت بە بەرهەمەکانی خۆی دەڵێت: کێشانی ئەم کۆمەڵە نیگارە لە ساڵی ١٣٩٨ەوە دەستی پێ کردووە و لە ماوەی ئەم سێ ساڵەدا ٣٠ تابلۆم کێشاوە کە لەم پیشانگایەدا ١٥ تابلۆ نمایش دەکرێت.
شیاوی ئاماژەیە هێرۆ شێخولئیسلامی لە دایک بووی ساڵی ١٣٦١ و خاوەن لیسانسی بیناسازییە. تا ئێستا چەندین پیشانگای تاکەکەسی و گرووپی بەڕێوە بردووە.
ئاهەنگی کرانەوەی ئەم پیشانگایە ئەمڕۆ هەینی بەڕێوە دەچێت و لە ٢١ خەزەڵوەر تاکوو ٢ی سەرماوەز لە ئارت سەنتەر بەڕێوە دەچێت.
Your Comment