ئەمریکا دەبێ بەزووترین کات فڕۆکەخانەی هەولێر چۆڵ بکات

ساسه‌تمه‌دارو ئه‌ندامى پێشوترى په‌ڕله‌مانى عێراق ڕایگه‌یاند: پێویسته‌ ئه‌مریكا فرۆكه‌خانه‌ى نێوده‌وڵه‌تى هه‌ولێر چۆڵ بكات و ئه‌مه‌ سێیه‌م جاره‌ فرۆكه‌خانه‌كه‌ باجى ئه‌وه‌ ده‌دات كه‌ ئه‌مریكاى تێدایه‌و بۆردومان ده‌كرێت.

بە پێی ڕاپۆرتی ئاژانسی هەواڵی مێهر، د.مه‌حمود عوسمان ئه‌ندامى پێشوترى په‌رله‌مانى عێراق رایگەیاند: ئه‌مریكا هیچ كات پشتى پێ نابه‌سترێت .

وتیشی: ئێران پێى وایه‌ هه‌رێمى كوردستان ئه‌وه‌نده‌ى به‌لاى ئه‌مریكاو توركیا ده‌ڕوات ئه‌وه‌نده‌ به‌لاى ئه‌واندا ناڕوات بۆیه‌ ئه‌مه‌یان پێ قبوڵ ناكرێت و پێشتر قاسم سله‌یمانى ئه‌م باڵانسه‌ى ڕاگرتبوو له‌ دۆخى هه‌رێم تێده‌گه‌یشت.

ناوبراو باسى له‌وه‌شكردوه‌، پێویسته‌ ئه‌مریكا فڕۆكه‌خانه‌ى نێوده‌وڵه‌تى هه‌ولێر چۆڵ بكات و هه‌رێم باجى بونى ئه‌وان له‌و فرۆكه‌خانه‌یه‌ نه‌دات چونكه‌ ئه‌وه‌ سێیه‌مجاره‌ به‌هۆى بونى ئه‌مریكیه‌كانه‌وه‌ بۆردومان ده‌كرێت و ده‌ڵێت: "با فرۆكه‌خانه‌كه‌ چۆڵ بكه‌ن دواتر له‌كوێ لێیان ده‌ده‌ن بالێیانده‌ن".

News Code 38128

نیشانەکان

بۆچوونی ئێوە

You are replying to: .
  • captcha