بەشێک لە داهاتی نەوت و گازی ئیلام دەبێ بۆ گەشەی پارێزگا تەرخان بکرێت

کاندیدای هەڵبژاردنەکانی سێزدەهەمین سەرۆک کۆماری ئێران وێڕای ئاماژە بە داهاتە نەوت و گازییەکانی ئیلام، وتی: نابێ هەژاری ڕوومەتی ئیلام خراپ بکات.

بە پێی هەواڵی مێهر، سەید ئیبراهیم ڕەییسی وتی: نابێ هەژاری، بێکاری و کێشەکانیتر ڕوومەتی پارێزگای ئێران خراپ بکات. ئیلام دەتوانێ ئەم دۆخە تێپەڕ کات و کشتوکاڵ، ئاژەڵداری و گەشتیاری لە پارێزگا چالاک بکرێتەوە.

ئەو وتیشی: بەشێکی زۆر لە پاشکەوتی نەوت و گازی وڵات لەم پارێزگایە دایە بۆیە بە بۆنەی بوونی ئەم سامانە نابێ خەڵکی ئەو پارێزگا لە هەژاریدا بژین و بەشێک لە داهاتی نەوت و گازی ئیلام دەبێ بۆ گەشەی پارێزگا تەرخان بکرێت.

ناوبراو ڕاشیگەیاند: کێشەی ژینگەیی و خاک و خۆڵ خەڵکی ئەم پارێزگایە ئازار ئەدات گەرچی بەشێکی ئەم کێشەیە بۆ عێراق دەگەڕێتەوە بەڵام دەبێ ئێمەش هەوڵ بدەین ئەم کێشانە چارەسەر بکەین و دەبێ دارستانی بەڕووەکانی پارێزگا بپارێزین.

هەروەها ڕوونی کردەوە: گەشتیاری تەندروستی و ڕێگاوبانی ئیلام یەکێکیتر لە پێداویستییەکانی تری ئەم پارێزگایە و دەبێ کێشەکانی ئەم بوارانەش چارەسەر بکرێت.

ڕەییسی لە کۆتاییشدا داکۆکی کرد: بێگومان بەشداری خەڵکی ئەم پارێزگا لە هەڵبژاردنەکان گەشەی هەناردە کردن، گەشەی بەرهەم هێنان و چارەسەر کردنی کێشەی بێکاری بەدواوە دەبێت.

News Code 37786

نیشانەکان

بۆچوونی ئێوە

You are replying to: .
  • 4 + 13 =