بە ڕاپۆرتی ئاژانسی هەواڵی مێهر حەسەن ڕۆحانی سەرۆک کۆماری ئێران سەرلەبەیانی ئەمڕۆ شەممە، لە کۆبوونەوەی لێژنەی نەتەوەیی بەرەنگار بوونەوەی کۆرۆنا وێڕای بەرز ڕاگرتنی ڕۆژی پزیشک وتی: پزیشکەکان هەمیشە لە هیڵی پێشەوەی تەندروستی بوون و هەمیشە هەولیان داوە پێبەندی سوێندەکان بن کە خواردوویانە. بەتایبەتی لە ئەم ٦ مانگەی تەشەنە سەندنی کۆرۆنا ڕۆڵی بەرچاوەیان گێڕاوە. هەر لە ئێرەوەدەسخۆشیان لێدەکەین و ئەم ڕۆژەیان لێ پیرۆزبایی دەکەین و سەرەخۆشی لە ئەو بنەماڵەگەلە دەکەین کە ئازیزانیان لە ئەو ڕێگایە لەدەست داوە.
ڕۆحانی لە درێژەی قسەکانیدا هاوپوەند بە تازیەباری مانگی موحەڕەم وتی: تازیەباری بۆ ئێمە زۆر گرینگە و ئێران دەتوانێت لە ئەو بوارە ببێتە نمانەیەک بۆ هەموو وڵاتەکان و موسڵمانان. ئەوە تاقیکاریەکی گەورە بۆ ئێمەیە کە چلۆن تازیەباری سالاری شەهیدان بەڕێوە ببەین و ڕێز لە فەرهەنگی عاشوورا بگرین. عاشوورایەک کە تەواوی ژیانی ئێمەیە و بووتە هۆی سەرکەوتنی ئێمە و متمانە بەخۆ و هێز و سەربەخۆیی بەخشیوە پێمان.
سەرۆک کۆمار زیادی کرد: تازیەبارییەکان، کۆبوونەوەکان، مەوداکان و دەمامکەکان و ڕێنوێنییە تەندروستییەکان ئەبێ لەبەرچاو بگیردرێن. ئەوە بۆ ئێمە زۆر گرینگە و جێی شانازی کە دوای عاشوورا دەسپێکردنی شەپۆلێکی نوێی کۆرۆنا نەبینین و ئەوەش ئاکامی ڕەچاوکردنی رێنوێنییە تەندروستییەکان بێت.
ناوبراو لە درێژە وتیشی: بە وەزیری پێوەندییەکانم وتووە کە لە ڕۆژانی موحەڕەم کوالێتی و ئاستی خێرایی ئینترنێت ببەنە سەرەوە.
Your Comment