بە راپۆرتی ئاژانسی هەواڵی مێهر، لە مانگەکانی دوایی و بە پێێ ڕاپۆرتی چاوەدێری پێنتاگۆن، هێرشەکانی داعش لە ناوچەگەلێک لە سووریا و عێراق زیادی کردووە. بە پێی هەندێک ڕاپۆرت، هێرشەکانی داعش لە ناوچە کێشە لەسەرەکانی نێوان بەغدا و کورد، بە شێوەیەکی بەرچاو زیادی کردووە.
مایکل نایتس، لێکۆڵەری پرسی ڕۆژهەڵاتی ناڤین سەبارەت بە بەرز بوونەوەی ڕێژەی هێرشەکانی داعش لە ناوچە کێشە لەسەرەکان، ڕایگەیاندووە کە هۆکارەکەی ناهەماهەنگی نێوان هێزەکانی پێشمەرگەی هەرێمی کوردستان و هێزەکانی سوپای عێراقە.
مایکل نایتس هەروەها ڕایگەیاندووە ئەگەر کورد و بەغدا پێکەوە هاوکاری نەکەن داعش بەزوویی دەتوانێت لە ڕۆژدا گوندەکانی ناوچەکە داگیر بکات و لە شەویشدا بەشێک لە شارەکان کۆنترۆڵ بکات.
Your Comment